വന്യമൃഗങ്ങളുടെ വൈറല്‍ വിഡിയോ പലപ്പോഴും സോഷ്യല്‍ മീഡിയയില്‍ കാണാറുണ്ട്. പാകിസ്താനിലാണ് സംഭവം. പാകിസ്താന്‍ കണ്ടന്റ് ക്രിയേറ്റീവ് നൗമാന്‍ ഹസ്സന്റെ വിഡിയോയാണ് വൈറലായിരിക്കുന്നത്. ഒരു കടുവയെ ചുംബിക്കാനുള്ള അദ്ദേഹത്തിന്റെ ശ്രമമാണ് വിഡിയോയില്‍ കാണുന്നത്. നല്ല ഇണക്കത്തോടെയാണ് കടുവയെ വിഡിയോയില്‍ കാണുന്നത്.

കടുവ നൗമാന്‍ ഹസ്സനെതിരേ തിരിയുകയോ അക്രമിക്കാന്‍ മുതിരുകയോ ചെയ്യുന്നില്ല. സ്‌നേഹത്തോടെയാണ് പെരുമാറുന്നത്. ഇടയ്ക്ക് ഇയാളുടെ കൈയില്‍ ഒന്നു കടിക്കാന്‍ ശ്രമം നടത്തുന്നതും വിഡിയോയില്‍ കാണാം. വളരെ പെട്ടെന്നു തന്നെ വിഡിയോ വൈറലാവുകയും ചെയ്തു. നിരവധിപേരാണ് ഇതിന് കമന്റ് രേഖപ്പെടുത്തിയിരിക്കുന്നത്. എങ്ങനെയാണ് കടുവയുടെ അടുത്ത് ഇത്ര ധൈര്യത്തോടെ പെരുമാറാന്‍ കഴിയുന്നതെന്നും വന്യജീവിയെ പേടിയില്ലേ എന്നുമൊക്കെയുള്ള നിരവധി കമന്റുകളും വരുന്നുണ്ട്.

എന്നാല്‍ ചിലര്‍ വിഡിയോയെ വിമിര്‍ശിക്കുകയും കടുവയെ ചുംബിക്കാന്‍ ശ്രമിക്കുമ്പോള്‍ അതിന് ചങ്ങലയിട്ടിട്ടുണ്ടൊ എന്നുതൊന്നും വ്യക്തമല്ലെന്നും പറഞ്ഞു. എന്നാല്‍ ഒരു പുല്‍ത്തകിടിയില്‍ അലസമായിക്കിടക്കുന്ന കടവുയുടെ അടുത്ത് ചെന്നാണ് നൗമാന്‍ കടുവയെ ചുംബിക്കാന്‍ ശ്രമിക്കുന്നത്. നൗമാന്റെ ധൈര്യത്തെ കുറിച്ചും പ്രശംസിക്കുന്നവരുണ്ട്.

അതേസമയം വന്യമൃഗങ്ങളെ ഇത്തരത്തില്‍ വളര്‍ത്തുന്നതിലുള്ള ധാര്‍മികതയായിരുന്നു മറ്റുള്ളവരുടെ പ്രശ്‌നം. വിഡിയോ കണ്ടപ്പോള്‍ ഭയന്നുപോയെന്നും ഒരാളെഴുതി. നൗമാന്റെ വിഡിയോകള്‍ക്ക് മുമ്പും വിമര്‍ശനം നേരിട്ടിരുന്നു. ഒരിക്കല്‍ തിരക്കേറിയ തെരുവിലൂടെ ചങ്ങലയ്ക്കിട്ട കടുവയുമായി ഇയാള്‍ നടക്കുന്ന വിഡിയോ ഇന്‍സ്റ്റയില്‍ ഇട്ടിരുന്നു. ഇതും വിമര്‍ശനം നേരിട്ടിരുന്നു.