ജിദ്ദ: വിശുദ്ധ റമദാനിലെ ദിനങ്ങള്‍ ചിലവഴിക്കാനായി മക്കയിലേക്ക് എത്തി സല്‍മാന്‍ രാജാവ്. റിയാദില്‍ നിന്നും ഞായറാഴ്ചയാണ് സല്‍മാന്‍ രാജാവ് ജിദ്ദയിലെത്തിയത്.

കിംഗ് അബ്ദുല്‍ അസീസ് അന്താരാഷ്ട്ര വിമാനത്താവളത്തില്‍ മക്ക മേഖല ഡെപ്യൂട്ടി അമീര്‍ പ്രിന്‍സ് സൗദ് ബിന്‍ മിഷാല്‍ ബിന്‍ അബ്ദുല്‍ അസീസ് അദ്ദേഹത്തെ സ്വീകരിച്ചു. ഖാലിദ് ബിന്‍ ഫഹദ് ബിന്‍ ഖാലിദ്, മന്‍സൂര്‍ ബിന്‍ സൗദ് ബിന്‍ അബ്ദുല്‍ അസീസ്, ഖാലിദ് ബിന്‍ സാദ് ബിന്‍ ഫഹദ്, ഫൈസല്‍ ബിന്‍ സൗദ് ബിന്‍ മുഹമ്മദ്, അല്‍ ബഹ മേഖലയുടെ അമീര്‍ പ്രിന്‍സ് ഡോ. ഹുസാം ബിന്‍ സൗദ് ബിന്‍ അബ്ദുല്‍ അസീസ്, പ്രിന്‍സ് ഡോ. അബ്ദുല്‍ അസീസ് ബിന്‍ സത്താം ബിന്‍ അബ്ദുല്‍ അസീസ് എന്നിവരുള്‍പ്പെടെ നിരവധി മുതിര്‍ന്ന രാജകുടുംബാംഗങ്ങള്‍ രാജാവിനൊപ്പം ഉണ്ടായിരുന്നു.

സല്‍മാന്‍ രാജാവിനെ സ്വീകരിക്കാനായി നിരവധി മുതിര്‍ന്ന ഉദ്യോഗസ്ഥരാണ് വിമാനത്താവളത്തില്‍ എത്തിയത്. രാവിലെ റിയാദില്‍ നിന്ന് പുറപ്പെട്ട സല്‍മാന്‍ രാജാവിന് കിംഗ് ഖാലിദ് അന്താരാഷ്ട്ര വിമാനത്താവളത്തില്‍ റിയാദ് ഡെപ്യൂട്ടി അമീര്‍ പ്രിന്‍സ് മുഹമ്മദ് ബിന്‍ അബ്ദുള്‍റഹ്‌മാന്‍ ബിന്‍ അബ്ദുല്‍ അസീസ് യാത്രയയപ്പ് നല്‍കി.

King Salman arrives in Mecca to spend Ramadan