അബുദബി: യുഎഇയില്‍ രണ്ടു മലയാളികളുടെ വധശിക്ഷ നടപ്പാക്കി. യുഎഇ അധികൃതരാണ് ഇക്കാര്യം ഇന്ത്യന്‍ വിദേശകാര്യമന്ത്രാലയത്തെ അറിയിച്ചത്. മുഹമ്മദ് റിനാഷ് എ, മുരളീധരന്‍ പി.വി എന്നിവരുടെ വധശിക്ഷയാണ് യുഎഇയില്‍ നടപ്പാക്കിയത്.

ഇക്കാര്യം ഇരുവരുടെയും കുടുംബത്തെ അറിയിച്ചെന്നും നിലവില്‍ സംസ്‌കാര ചടങ്ങില്‍ പങ്കെടുക്കാന്‍ സൗകര്യം ഒരുക്കാന്‍ ശ്രമിക്കുകയാണെന്നും കേന്ദ്രം അറിയിച്ചു. ഇരുവരും യുഎഇയില്‍ കൊലപാതക കുറ്റത്തിന് വിചാരണ നേരിടുകയായിരുന്നു. 

ഇന്ത്യന്‍ പൗരനെ വധിച്ച കേസിലാണ് മുരളീധരന്‍ വിചാരണ നേരിട്ടിരുന്നത്. യുഎഇ പൗരനെ വധിച്ച കേസിലാണ് മുഹമ്മദ് റിനാഷ് വിചാരണക്ക് വിധേയനായിരുന്നത്. തങ്ങളാല്‍ സാധിക്കുന്ന എല്ലാ നിയമസഹായവും നല്‍കിയിരുന്നു എന്ന് വിദേശകാര്യമന്ത്രാലയം അറിയിച്ചു.

Two Malayalams executed in UAE; The Ministry of External Affairs said that all possible legal assistance was provided