മസ്‌കത്ത്: റമദാൻ പ്രമാണിച്ച് പാർക്കുകളുടെയും പൂന്തോട്ടങ്ങളുടെയും പുതുക്കിയ സമയം പ്രഖ്യാപിച്ച് മസ്‌കത്ത് മുനിസിപ്പാലിറ്റി. ശനി മുതൽ ബുധൻ വരെ വൈകുന്നേരം 4 മുതൽ പുലർച്ചെ 2 വരെയും വ്യാഴം, വെള്ളി ദിവസങ്ങളിൽ വൈകുന്നേരം 4 മുതൽ പുലർച്ചെ 1 വരെയും പാർക്കുകൾ തുറന്ന് പ്രവർത്തിക്കും.

മസ്കത്തിൽ 137 പാർക്കുകൾ ഉണ്ട്, ഇവയെല്ലാം ചേർന്ന് 2,730,446 ചതുരശ്ര മീറ്റർ വിസ്തൃതിയിൽ വ്യാപിച്ചുകിടക്കുന്നു. 19,565 ഈന്തപ്പനകളും 51,831 മറ്റ് ഇനങ്ങളും ഉൾപ്പെടെ വൈവിധ്യമാർന്ന മരങ്ങളുടെ ശേഖരം മസ്കത്ത് മുനിസിപ്പാലിറ്റി പരിപാലിക്കുന്നു. കൂടാതെ, 336,777 ഓളം കുറ്റിച്ചെടികളും സീസണൽ പൂക്കളും ഇവിടെയുണ്ട്.  84,205 ചതുരശ്ര മീറ്റർ വിസ്തൃതിയിലാണ് ഇത് വ്യാപിച്ചു കിടക്കുന്നത്.

സിദ്ർ, സാം, പെൽറ്റോഫോറം, വേപ്പ്, ആഫ്രിക്കൻ ട്യൂലിപ്പ്, ബികോണിയ, പോയിൻസിയാന തുടങ്ങിയ വിവിധ സസ്യ ഇനങ്ങളുടെ പ്രചാരണത്തിൽ ഖുറം പാർക്ക് നഴ്സറി ഒരു പ്രധാന പങ്ക് വഹിക്കുന്നു. ഓരോ വർഷവും നഴ്സറി 100,000 മുതൽ 120,000 വരെ തൈകളും 250,000 മുതൽ 300,000 വരെ കുറ്റിച്ചെടികളും ഉത്പാദിപ്പിക്കുന്നു.

The Oman authorities have announced revised timings for parks and gardens during the holy month of Ramadan, allowing visitors to enjoy these public spaces during the evening hours.