കുവൈത്ത് സിറ്റി: ദേശീയ ദിനത്തോട് അനുബന്ധിച്ച് കുവൈത്തില്‍ അഞ്ച് ദിവസം അവധി ലഭിക്കും. ഇത്തവണ നീണ്ട അവധിയാണ് ലഭിക്കുകയെന്നാണ് സൂചന. 

ഫെബ്രുവരി 25, 26 തീയതികളിൽ ദേശീയ ദിന, വിമോചന ദിന അവധിയാണ്. ഇത് കൂടാതെ വെള്ളി, ശനി ദിവസങ്ങളില്‍ വാരാന്ത്യ അവധിയും ലഭിക്കും. അവധി ദിവസങ്ങള്‍ക്കിടയില്‍ വരുന്നതിനാല്‍ വ്യാഴാഴ്ച വിശ്രമ ദിനമായി പ്രഖ്യാപിക്കുന്നതോടെ കുവൈത്തില്‍ ദേശീയ ദിനത്തോട് അനുബന്ധിച്ച് അഞ്ച് ദിവസം നീണ്ട അവധിയാണ് ലഭിക്കുക. അവധി ദിവസങ്ങള്‍ സംബന്ധിച്ച ഔദ്യോഗിക പ്രഖ്യാപനം ഉടനെയുണ്ടാകും. 

നേരത്തെ കുവൈത്തില്‍ ഇസ്റാഅ് - മിഅ്റാജ് പ്രമാണിച്ച് സിവില്‍ സര്‍വീസ് കമ്മീഷൻ പൊതു അവധി പ്രഖ്യാപിച്ചിരുന്നു. ജനുവരി 30 വ്യാഴാഴ്ച മുതല്‍ ഫെബ്രുവരി 1 ശനിയാഴ്ച വരെ, മൂന്ന് ദിവസത്തെ പൊതു അവധിയാണ് പ്രഖ്യാപിച്ചത്.

Kuwait's National Day and Liberation Day are just around the corner, and the country is gearing up for a five-day holiday