കൊച്ചി: നടി ഹണി റോസിന് എതിരായ ലൈംഗികാധിക്ഷേപക്കേസിൽ ജാമ്യം ലഭിച്ച വ്യവസായി ബോബി ചെമ്മണൂർ ഇന്ന് ജയിലിൽ നിന്ന് പുറത്തിറങ്ങും. ആറ് ദിവസത്തെ റിമാൻഡിന് ശേഷം, ഇന്നലെ ഹൈക്കോടതി ബോബി ചെമ്മണൂരിന് ഉപാധികളോടെ ജാമ്യം അനുവദിച്ചിരുന്നു. അതേസമയം, ജാമ്യം നടപ്പാക്കിയ ഉത്തരവ് ജയിലിൽ എത്താത്തതിനെ തുടർന്നാണ് ഇന്നലെ പുറത്തിറങ്ങാതെ ഇരുന്നത്. റിലീസ് ഓർഡർ സഹപ്രവർത്തകർ ഇന്ന് ജയിൽ അധികൃതർക്ക് കൈമാറുന്നതോടെ, ബോബി ചെമ്മണൂരിന് ജാമ്യത്തിൽ ഇറങ്ങാം. നടപടിക്രമങ്ങൾ പൂർത്തിയാക്കിയതായി ബോബിയുടെ അഭിഭാഷകർ അറിയിച്ചു.

50,000 രൂപയുടെ രണ്ട് ആൾ ജാമ്യം, സമാന കുറ്റത്തിൽ ഏർപ്പെടരുത്, അന്വേഷണ ഉദ്യോഗസ്ഥൻ ആവശ്യപ്പെടുന്ന സമയത്ത് ഹാജരാകണം, തുടങ്ങിയ കർശന ഉപാധികളോടെയാണ് ബോബി ചെമ്മണൂരിന് ഹൈക്കോടതി ജാമ്യം അനുവദിച്ചത്.

Bobby Chemmanoor, a prominent figure, is set to be released from jail today, marking the end of his imprisonment.