വീടുകള്‍ക്കുള്ളില്‍ ചെടികള്‍ (Indoor plants) വളര്‍ത്തുന്നത് പതിവാണ്. എന്നാല്‍ നമ്മള്‍ ചെടികള്‍ തെ രഞ്ഞെടുക്കുമ്പോള്‍ ശ്രദ്ധിക്കേണ്ട കുറച്ചു കാര്യങ്ങളുണ്ട്. ഇന്‍ഡോര്‍ ചെടികള്‍ക്ക് നമ്മുടെ വീടുകള്‍ക്ക് ജീവനും സൗന്ദര്യവും നല്‍കാന്‍ കഴിയുമെങ്കിലും, ചിലില്‍ മനുഷ്യര്‍ക്കും വളര്‍ത്തുമൃഗങ്ങള്‍ക്കും ഗുരുതരമായ ആരോഗ്യ അപകടങ്ങള്‍ ഉണ്ടാക്കുന്ന വിഷ സംയുക്തങ്ങള്‍ അടങ്ങിയിട്ടുണ്ട്. വീടിനുള്ളില്‍ വളര്‍ത്തിയാല്‍ ദോശമുണ്ടാകുന്ന ചെടികള്‍ ഏതൊക്കെയാണെന്ന് നോക്കാം. 

 

ഡീഫന്‍ബച്ചിയ 

ഡീഫന്‍ബച്ചിയ (Dieffenbachia)

കാഴ്ചയില്‍ വളരെ ഭംഗി തോനിക്കുന്ന പൂക്കള്‍ ഉണ്ടാകുന്ന ചെടിയാണ് ഡീഫന്‍ബച്ചിയ. കൂടുതല്‍ പേരും ഈ ചെടി വീടിനുള്ളിലൊ പുറത്തോ നട്ടുവളര്‍ത്തുന്നുണ്ടാവാം. എന്നാല്‍ ഈ ചെടി മനുഷ്യ ജീവന് ഭീഷണി ആയേക്കാവുന്നതാണ്. ചെടിയില്‍ ഓക്‌സാലിക് ആസിഡും അസ്പരാഗിന്‍ എന്ന അമിനോ ആസിഡും അടങ്ങിയതിനാലണിത്. അവ വിഷഘടകങ്ങളാണ്. പൊള്ളല്‍, വയറിളക്കം, പരുക്കന്‍ ശബ്ദം, വര്‍ധിച്ച ഉമിനീര്‍, ഓക്കാനം, ഛര്‍ദ്ദി, വായയുടെയും നാവിന്റെയും വീക്കം, ശ്വാസം മുട്ടല്‍, മുതലായ രോഗങ്ങളുണ്ടാവാം. 

 

ഡീഫന്‍ബച്ചിയ 

ലില്ലി ഓഫ് ദി വാലി (Lily of the valley)

പൂച്ചെണ്ടുകളില്‍ പലപ്പോഴും ഉപയോഗിക്കുന്ന ചെറിയ വെളുത്ത മണി പോലുള്ള പൂക്കള്‍ വളരുന്ന ഒരുതരം സസ്യമാണ് ലില്ലി. ഇതു വളരെ വിഷാംശമുള്ളതും ഗുരുതരമായ രോഗത്തിനും മരണത്തിനും വരെ കാരണമാകുന്നതുമാണ്. ഈ സസ്യം കുട്ടികള്‍ക്ക് ഏറെ അപകടകരമാണ്. ഇതില്‍ പ്രധാനമായും കാര്‍ഡിയാക് ഗ്ലൈക്കോസൈഡുകള്‍, കോണ്‍വല്ലാറിന്‍, കണ്‍വല്ലാമറിന്‍ എന്നീ വിഷാംശങ്ങള്‍ അടങ്ങിയിരിക്കുന്നു. ഇത് ഹൃദയത്തെയും ദഹനനാളത്തെയും ബാധിക്കുന്നു. ചെടി മുഴുവന്‍ വിഷവസ്തുക്കള്‍ അടങ്ങിയിരിക്കുന്നതാണ്. ഇലകളും കായകളും തണ്ടും വേരും വരെ വിഷമാണ്. ഹൃദയപ്രശ്‌നങ്ങള്‍, വയറുവേദന, ഛര്‍ദ്ദി, ആശയക്കുഴപ്പം, പിന്നെ കാഴ്ച പ്രശ്‌നങ്ങള്‍ എന്നിവയാണ് ഉണ്ടാകുന്ന പ്രശ്‌നങ്ങള്‍. 

 

ഫിലോഡെന്‍ഡ്രോണ്‍ 

ഫിലോഡെന്‍ഡ്രോണ്‍ (Philodendron): 
അലങ്കാര സസ്യങ്ങളായും ഇന്‍ഡോര്‍ സസ്യങ്ങളായും വളര്‍ത്തുന്ന ചെടിയാണ് ഫിലോഡെന്‍ഡ്രോണ്‍. ഗ്രീക്ക് വാക്കുകളായ ഫിലോ 'സ്‌നേഹം, വാത്സല്യം', ഡെന്‍ഡ്രോണ്‍ 'ട്രീ' എന്നിവയില്‍ നിന്നാണ് ഈ പേര് വന്നത്. സ്‌നേഹം വാത്സല്യം എന്നൊക്കെയാണ് അര്‍ത്ഥമെങ്കിലും ഇവ വളരെ വിഷാംശങ്ങള്‍ അടക്കിയിരിക്കുന്ന സസ്യമാണ്. ഫിലോഡെന്‍ഡ്രോണുകളിലും അടുത്ത ബന്ധമുള്ള ജീവജാലങ്ങളിലും കാല്‍സ്യം ഓക്‌സലേറ്റ് ക്രിസ്റ്റല്‍സ് അടങ്ങിയിട്ടുണ്ട്. അവ മനുഷ്യര്‍ക്കും നായ്ക്കള്‍ക്കും പൂച്ചകള്‍ക്കും മറ്റ് മൃഗങ്ങള്‍ക്കും വിഷാംശം നല്‍കുന്നു. അരെസീ (Araceae) ഇനത്തില്‍പ്പെട്ട ചെടിയാണിത്. 

 

എയിഞ്ചല്‍സ് ട്രമ്പേട് 

എയിഞ്ചല്‍സ് ട്രമ്പേട് (Angel's Trumpet)
ബ്രഗ്മാന്‍സിയ (Brugmansia)  എന്നപേരിലും ഇത് അറിയപ്പെടുന്നു. മാലാഖമാരുടെ കാഹളം എന്ന വിളിപ്പേരില്‍ അറിയപ്പെടുന്ന ഒരു സസ്യമാണ് എയിഞ്ചല്‍സ് ട്രമ്പേട്. ഇതിന് ഡെവിള്‍സ് ട്രമ്പേട് എന്ന പേരും ഉണ്ട്. കാരണം വളരെ അധികം വിഷം അടങ്ങിയ സംസ്യമാണ് ഇത്. ഈ സസ്യം നമ്മള്‍ കഴിച്ചാല്‍ പനി, ഭ്രമം, ഭ്രമാത്മകത, നിരന്തരമായ മെമ്മറി അസ്വസ്ഥതകള്‍ എന്നിവയ്ക്ക് കാരണമാകാം.

 

എയിഞ്ചല്‍സ് ട്രമ്പേട് 

ഡാഫ്ഡില്‍സ് (Daffodils) : 
വളരെ ഭംഗിയുള്ള പൂക്കള്‍ ഉള്ള സസ്യമാണ് ഡാഫ്ഡില്‍സ്. നാര്‍സിസ്സസ് (Narcissus) എന്നും പറയാറുണ്ട്. ചൈനീസ് ഐതിഹ്യ പ്രകരം പുതുവത്സരത്തില്‍ ഒരു ഡാഫ്ഡില്‍സ് പൂത്താല്‍ അത് മുഴുവന്‍ വീട്ടുകാര്‍ക്കും ഭാഗ്യം കൊണ്ടുവരും. എന്നാല്‍ ഈ സസ്യം വിഷം അടങ്ങിയതാണ്. ഈ സസ്യത്തിന്റെ എല്ലാ ഭാഗങ്ങളും വിഷം അടങ്ങിയതാണ്. ഇത് ഒരുപോലെ മനുഷ്യനും മൃഗങ്ങള്‍ക്കും ദോഷം വരുത്തുന്നതുമാണ്. ലൈകോറിന്‍ എന്നാ വിഷാശം അടങ്ങിയതിനാല്‍ ഇത് ഉള്ളിലെത്തിയാല്‍ ശര്‍ദ്ദില്‍, ക്ഷീണം, വയറുവേദന മുതലായ രോഗങ്ങള്‍ ഉണ്ടാവുകയും മരണം വരെ സംഭവിക്കുകയും ചെയ്‌തേക്കാം.
 

 

അരളി

* അരളി (Arali): 

അപ്പോസൈനേസീ കുടുംബത്തിലുള്ള നീരിയം (Nerium) വിഭാഗത്തില്‍പ്പെട്ട നിത്യഹരിതസസ്യമാണ് അരളി. കാഴ്ച്ചയില്‍ നല്ല ഭംഗിയുള്ള പൂക്കളുണ്ടാകും. ഒട്ടുമിക്ക എല്ലാ വീടുകളിലും കാണാന്‍ കഴിയും. ചെടിയുടെ എല്ലാ ഭാഗങ്ങളും വിഷമുള്ളതാണ്. കൂടാതെ നെറിഫോളിന്‍, തെവെറ്റിന്‍ എ, തെവെറ്റിന്‍ ബി, ഒലിയാന്‍ഡ്രിന്‍ എന്നിവയുള്‍പ്പെടെ വിവിധ കാര്‍ഡിയാക് ഗ്ലൈക്കോസൈഡുകള്‍ അടങ്ങിയിട്ടുണ്ട്. ഓക്കാനം, ഛര്‍ദ്ദി, വയറുവേദന, വയറിളക്കം, എന്നിയ്ക്ക് കാരണമാകും.

Indoor plants to avoid due to toxicity