ദുബൈ: വമ്പന്‍ പരിപാടികളുമായി ദുബൈ ഷോപ്പിംഗ് ഫെസ്റ്റിവലിനു തുടക്കമായി. ദുബൈ ഷോപ്പിംഗ് ഫെസ്റ്റിവലിന്റെ 30-ാമത് എഡിഷനാണ് വെള്ളിയാഴ്ച നാന്ദി കുറിച്ചത്. വെടിക്കെട്ട്, ഡ്രോണ്‍ ഷോകള്‍, സംഗീത കച്ചേരികള്‍ എന്നിവടോടെയാണ് ഫെസ്റ്റിവല്‍ ആരംഭിച്ചത്.

ഈ വര്‍ഷത്തെ ദുബൈ ഷോപ്പിംഗ് ഫെസ്റ്റിവല്‍ ചരിത്രത്തിലെ എക്കാലത്തെയും അസാധാരണമായ സീസണായിരിക്കും. ഡിസംബര്‍ 6 മുതല്‍ 2025 ജനുവരി 12 വരെ നീണ്ടുനില്‍ക്കുന്ന ഫെസ്റ്റിവല്‍ പുതിയൊരനുഭവമായിരിക്കുമെന്ന് ഇവന്റ് സംഘാടകരായ ദുബൈ ഫെസ്റ്റിവല്‍സ് ആന്‍ഡ് റീട്ടെയില്‍ എസ്റ്റാബ്ലിഷ്‌മെന്റ് പറഞ്ഞു.

നഗരത്തിലുടനീളമുള്ള ലക്ഷ്യസ്ഥാനങ്ങളില്‍ രസകരമായ ഇന്ററാക്ടീവ് ലൈറ്റ് സജ്ജീകരിക്കും. 1996ലാണ് ദുബൈ ഷോപ്പിംഗ് ഫെസ്റ്റിവല്‍ ആരംഭിച്ചത്. വര്‍ഷങ്ങള്‍ കൊണ്ട് ഷോപ്പിംഗ് ഫെസ്റ്റിവല്‍ ലോകത്തിലെ ഏറ്റവും ദൈര്‍ഘ്യമേറിയ റീട്ടെയില്‍ ഫെസ്റ്റിവലായി മാറി. ഡിസംബര്‍ 6 വെള്ളിയാഴ്ച മുതല്‍ ജനുവരി 16 ഞായര്‍ വരെയുള്ള ദിവസങ്ങളില്‍ ആകാശത്ത് നടക്കുന്ന ദിവസേന കരിമരുന്നുപ്രയോഗമുണ്ടാകും.