മസ്ക‌ത്ത്: യുനെസ്കോയുടെ വെഴ്‌സായ് വേൾഡ് ആർക്കിടെക്ച്ചർ ആൻ്റ് ഡിസൈൻ പുരസ്കാരം നേടി ഒമാനിലെ അക്രോസ് ഏജസ് മ്യൂസിയം. ലോകത്തിലെ ഏറ്റവും മനോഹരമായ മ്യൂസിയങ്ങളിൽ മികച്ച എക്സ്റ്റീരിയർ രൂപകൽപ്പനക്കുള്ള പുരസ്‌കാരമാണ് അക്രോസ് ഏജസ് മ്യൂസിയത്തിന് ലഭിച്ചത്. പാരിസിൽ നടന്ന ചടങ്ങിലാണ് യുനെസ്കോ പുരസ്‌കാരം പ്രഖ്യാപിച്ചത്.

ദാഖിലിയ ഗവർണറേറ്റിൽ സ്ഥിതി ചെയ്യുന്ന മ്യൂസിയം ഒമാന്റെ വിവിധ കാലഘട്ടങ്ങളുടെ ചരിത്രങ്ങളിലേക്ക് വഴി തുറക്കുന്ന ഒന്നാണ്. ആധുനിക സാങ്കേതികതയും പരമ്പരാഗതവും സംയോജിപ്പിച്ച് രൂപകൽപന ചെയ്ത മ്യൂസിയം, ഒമാൻ്റെ സമ്പന്നമായ പൈതൃകത്തെയും ചരിത്രത്തെയും അടയാളപ്പെടുത്തുന്ന മേഖലയിലെ ഏറ്റവും വലിയ മ്യൂസിയം കൂടിയാണ്.

നൂതനവും ആകർഷണീയവുമായ രൂപകൽപനയിലൂടെ തങ്ങളുടെ സംസ്കാരം സംരക്ഷിക്കുന്നതിനും പ്രദർശിപ്പിക്കുന്നതിനുമുള്ള ഒമാൻ്റെ പ്രതിബദ്ധതയെ ഉയർത്തിക്കാട്ടുന്നതാണ് ഈ ആഗോള അംഗീകാരം. വെഴ്‌സായ് അവാർഡിലൂടെ ലോകത്തിലെ ഏറ്റവും മികച്ച സാസ്‌കാരിക ലാൻഡ്‌മാർക്കുകളിലൊന്നാവുകയാണ് മ്യൂസിയം. അതേസമയം സുൽത്താനേറ്റിൻ്റെ വാസ്‌തുവിദ്യ വൈദഗ്ധ്യത്തിലുള്ള സാമർഥ്യവും സാംസ്‌കാരിക ആഴവും ലോകത്തിന് പരിചയപ്പെടുത്താനും പുരസ്‌കാരം സഹായകമാവും.

The Across Ages Museum in Oman has been awarded the prestigious UNESCO Versailles Prize, recognizing its outstanding contributions to the preservation and promotion of cultural heritage.