ദുബൈ: നാഷണല്‍ സെന്റര്‍ ഓഫ് മെറ്റീരിയോളജിയുടെ പ്രവചനമനുസരിച്ച് ഇന്നത്തെ കാലാവസ്ഥ ഭാഗികമായി മേഘാവൃതമായിരിക്കുമെന്ന് പ്രതീക്ഷിക്കുന്നു.
രാത്രിയിലും വ്യാഴാഴ്ച രാവിലെയും കാലാവസ്ഥ ഈര്‍പ്പമുള്ളതായിരിക്കും. പടിഞ്ഞാറന്‍ പ്രദേശങ്ങളില്‍ മൂടല്‍മഞ്ഞ് രൂപപ്പെടാന്‍ സാധ്യതയുണ്ട്.

നേരിയതോ മിതമായതോ ആയ കാറ്റ് വീശാന്‍ സാധ്യതയുള്ളതായും കാലാവസ്ഥാ വകുപ്പ് അറിയിച്ചു. യുഎഇയിലെ പര്‍വതപ്രദേശങ്ങളില്‍ താപനില 7 ഡിഗ്രി സെല്‍ഷ്യസായി കുറയുകയും ഉള്‍പ്രദേശങ്ങളില്‍ 30 ഡിഗ്രി സെല്‍ഷ്യസ് വരെ എത്തുകയും ചെയ്‌തേക്കും. ഉള്‍പ്രദേശങ്ങളില്‍ ഈര്‍പ്പത്തിന്റെ ഉയര്‍ന്ന അളവ് 90 ശതമാനത്തിലും യുഎഇയുടെ പര്‍വതപ്രദേശങ്ങളില്‍ ഇത് 15 ശതമാനത്തിലും എത്തും.