കോഴിക്കോട്: സന്തോഷ് ട്രോഫിയില്‍ എട്ടാം കിരീടം തേടിയിറങ്ങിയ കേരളത്തിന് ​ഗംഭീര തുടക്കം. മറുപടിയില്ലാത്ത ഒരു ഗോളിനാണ് റെയില്‍വേസിനെ കേരളം മുട്ടു കുത്തിച്ചത്. ഗോള്‍രഹിതമായ ഒന്നാം പകുതിക്ക് ശേഷം രണ്ടാം പകുതിയിലാണ് കേരളം വിജയഗോള്‍ കണ്ടെത്തിയത്.

കോഴിക്കോട് ഇഎംഎസ് കോര്‍പറേഷന്‍ സ്റ്റേഡിയത്തില്‍ നടന്ന മത്സരത്തിന്റെ ആദ്യ പകുതിയില്‍ കളം നിറഞ്ഞത് റയില്‍വേസിയിരുന്നു . എന്നാല്‍ രണ്ടാം പകുതിയിലേക്ക് നീങ്ങിയപ്പോള്‍ കേരളം ലീഡ് എടുക്കുകയായിരുന്നു. 72 ാം മിനിറ്റില്‍ നിജോ ഗില്‍ബര്‍ട്ടിന്റെ അസിസ്റ്റില്‍ അജ്സലാണ് ​ഗോൾ നേടിയത്.

26ാം മിനിറ്റില്‍ ലഭിച്ച അവസരം ക്രിസ്റ്റി ഡേവിസ് നഢ്ടപ്പെടുതിയതിനാൽ മത്സരത്തിന്റെ തുടക്കം കേരളത്തിന് മുന്നിട്ടു നില്‍ക്കാന്‍ കഴിഞ്ഞില്ല.പെനാല്‍റ്റി ബോക്സിനുള്ളില്‍ നിന്നുള്ള ക്രിസ്റ്റിയുടെ ഷോട്ട് പുറത്തേക്ക് പോവുകയായിരുന്നു. 54-ാം മിനിറ്റില്‍ മികച്ച സേവിലൂടെ ഗോള്‍കീപ്പര്‍ ഹജ്മല്‍ കേരളത്തിന്റെ രക്ഷകനായി. വെള്ളിയാഴ്ച നടക്കുന്ന രണ്ടാം മത്സരത്തില്‍ കേരളം ലക്ഷദ്വീപിനെ നേരിടും.