തിരുവനന്തപുരം: മാധ്യമ പ്രവര്‍ത്തകന്‍ കെഎം ബഷീറിനെവാഹനം ഇടിച്ചു കൊലപ്പെടുത്തിയെന്ന കേസിന്റെ വിചാരണ ഡിസംബര്‍ രണ്ടിന് ആരംഭിക്കും. 18 വരെയാണ് വിചാരണ നടക്കുക. രണ്ടു ഘട്ടങ്ങളിലായി നടക്കുന്ന വിചാരണയില്‍ 95 സാക്ഷികളെയാണ് വിസ്തരിക്കുക. തിരുവനന്തപുരം ഒന്നാം അഡീഷനല്‍ സെഷന്‍സ് കോടതിയാണ് കേസ് പരിഗണിക്കുക.

ഡിസംബര്‍ രണ്ടുമുതല്‍ ഒന്നാം ഘട്ടവിചാരണ ആരംഭിക്കും. രണ്ടാം ഘട്ടത്തിലാണ് അന്വേഷണ ഉദ്യോഗസ്ഥര്‍ അടക്കമുള്ളവരെ വിസ്തരിക്കുക. ഇന്ത്യന്‍ ശിക്ഷാ നിയമത്തിലെ 201, 279, 304, മോട്ടര്‍ വകുപ്പ് നിയമം 184 എന്നി വകുപ്പുകള്‍ അനുസരിച്ചാണ് വിചാരണ നടക്കുക. 

2019 ഓഗസ്റ്റ് മൂന്നിന് രാത്രി ഒരു മണിക്കാണ് ഐഎഎസ് ഉദ്യോഗസ്ഥന്‍ ശ്രീറാം വെങ്കിട്ടരാമനും സുഹൃത്തായ വഫയും സഞ്ചരിച്ച കാര്‍ ഇടിച്ച് മാധ്യമ പ്രവര്‍ത്തകനായ ബഷീര്‍ മരിച്ചത്. കഴിഞ്ഞ തവണ നേരിട്ട് കോടതിയില്‍ ഹാജരായി  ശ്രീറാം കുറ്റം നിഷേധിച്ചിരുന്നു. കേസില്‍ പ്രോസിക്യൂഷനു വേണ്ടി പബ്ലിക് പ്രോസിക്യൂട്ടര്‍ റെക്‌സ് ഹാജരാകും.

The trial of the sensational KM Basheer murder case, where the journalist was killed in a deliberate vehicle collision, is set to commence on December 2, sparking widespread attention and public interest.