കണ്‍സള്‍ട്ടിംഗ് സ്ഥാപനമായ ഏണസ്റ്റ് ആന്‍ഡ് യങ്ങിന്റെ (ഇ.വൈ) പൂനെ ഓഫീസിലെ ജീവനക്കാരിയായിരുന്ന അന്ന സെബാസ്റ്റ്യന്‍ തൊഴില്‍ സമ്മര്‍ദം മൂലം മരണപ്പെട്ടതായി മാതാവ് ആരോപിച്ചിരുന്നു. തുടര്‍ന്ന് തൊഴില്‍ വകുപ്പ് അധികൃതര്‍ ഓഫീസില്‍ പരിശോധന നടത്തുകയും ജീവനക്കാരുടെ അഭിപ്രായങ്ങള്‍ ചോദിച്ചറിയുകയും ചെയ്തു. 

അന്നയുടെ മരണവുമായി ബന്ധപ്പെട്ട സംഭവങ്ങള്‍, കമ്പനിയിലെ ജീവനക്കാര്‍ക്ക് നല്‍കുന്ന ക്ഷേമ നയങ്ങള്‍ തുടങ്ങിയവ വിഷയങ്ങളില്‍ ഏഴ് ദിവസത്തിനുള്ളില്‍ മറുപടി നല്‍കണമെന്ന് ഇ.വൈ യോട് അധികൃതര്‍ നിര്‍ദ്ദേശിച്ചു.

കമ്പനിയിലെ തൊഴില്‍ അന്തരീക്ഷം മകളെ മാനസികമായും ശാരീരികമായും ബുദ്ധിമുട്ടിലാക്കിയെന്ന് കാണിച്ച് അന്നയുടെ മാതാവ് ഇ.വൈ ഇന്ത്യയുടെ ചെയര്‍മാനെഴുതിയ കത്ത് സമൂഹ മാധ്യമങ്ങളില്‍ വൈറലായതിന് പിന്നാലെ വലിയ ജന ശ്രദ്ധയാണ് സംഭവത്തിന് ലഭിച്ചത്.

സുരക്ഷിതമല്ലാത്തതും ചൂഷണം ചെയ്യുന്നതുമായ തൊഴില്‍ അന്തരീക്ഷത്തെക്കുറിച്ചുള്ള ആരോപണങ്ങളില്‍ സമഗ്രമായ അന്വേഷണം നടത്തുമെന്ന് കേന്ദ്ര തൊഴില്‍ മന്ത്രി ശോഭ കരന്ദാജെ കഴിഞ്ഞയാഴ്ച വ്യക്തമാക്കിയിരുന്നു. അതേസമയം, കമ്പനിയിലെ ജീവനക്കാരുടെ ക്ഷേമത്തിന് വലിയ പ്രാധാന്യമാണ് കമ്പനി നല്‍കുന്നതെന്നും അങ്ങേയറ്റം ഗൗരവത്തോടെയാണ് കുടുംബത്തിന്റെ കത്തിടപാടുകള്‍ കാണുന്നതെന്നുമാണ് ഇ.വൈ അധികൃതര്‍ വ്യക്തമാക്കിയത്.

 EY's Pune office faces labour department investigation following the tragic death of Sebastian, sparking concerns over corporate accountability and workplace safety [no relevant data found].