പി.വി അന്വര് എംഎല്എയുടെ ആരോപണങ്ങള്; എഡിജിപി എം.ആര് അജിത്ത് കുമാറിനെതിരെ വിജിലന്സ് അന്വേഷണത്തിന് ഉത്തരവ്; സുജിത് ദാസിനെതിരെയും അന്വേഷണം
തിരുവനന്തപുരം: എഡിജിപി എം.ആര് അജിത്ത് കുമാറിനെതിരായ അനധികൃത സ്വത്ത് സമ്പാദനമടക്കുള്ള ആരോപണങ്ങളില് വിജിലന്സ് അന്വേഷണത്തിന് ഉത്തരവിട്ടു. പൊലിസ് മേധാവിയുടെ ശുപാര്ശ അംഗീകരിച്ച് സംസ്ഥാന സര്ക്കാരാണ് ഉത്തരവിറക്കിയത്. അന്വേഷണ സംഘാംഗങ്ങളെ നാളെ തീരുമാനിക്കും. മുന് പത്തനംതിട്ട എസ്പി സുജിത് ദാസിനെതിരായ ആരോപണങ്ങളും വിജിലന്സ് അന്വേഷിക്കും. വിജിലന്സ് അന്വേഷണം കൂടിയായതോടെ ക്രമസമാധന ചുമതലയില് തുടരാന് അജിത് കുമാറിന് കഴിയില്ല. ഡിജിപി ശുപാര്ശ നല്കി അഞ്ച് ദിവസത്തിന് ശേഷമാണ് തീരുമാനം.
മലപ്പുറത്തെ പൊലിസ് ക്വാര്ട്ടേഴ്സില് നിന്നും എസ്പി സുജിത്ത് ദാസിന്റെ നേതൃത്വത്തില് മുറിച്ച മരം അജിത് കുമാറിനും നല്കിയെന്നാണ് പിവി അന്വര് എംഎല്എയുടെ ആരോപണം. കൂടാതെ ബന്ധുക്കളുടെ സ്വത്ത് സമ്പാദനം, സ്വര്ണക്കടത്തുകാരില് നിന്ന് സ്വര്ണം പിടിച്ച് മുക്കി, കവടിയാറിലെ വീട് നിര്മ്മാണം തുടങ്ങിയ ആരോപണങ്ങളിലാണ് ഡിജിപി ഷെയ്ഖ് ദര്വേസ് സാഹിബ് എഡിജിപിക്കെതിരെ വിജിലന്സ് അന്വേഷണം ആവശ്യപ്പെട്ടത്. വിജിലന്സ് അന്വേഷണത്തിലൂടെ മറ്റൊരു ഡിജിപി തല അന്വേഷണം കൂടി അജിത് കുമാര് നേരിടേണ്ടി വരും. അജിത് കുമാറിനെതിരായ മറ്റ് ആരോപണങ്ങളില് ഷെയ്ഖ് ദര്വേസ് സാഹിബിന്റെ നേതൃത്വത്തിലുള്ള സംഘവും അന്വേഷണം നടത്തുന്നുണ്ട്.
Kerala Government directs vigilance investigation into allegations of corruption and misconduct made by PV Anwar MLA against senior police officials, including ADGP M.R. Ajith Kumar and Sujit Das.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."