ദുബൈ: കഴിഞ്ഞ ദിവസം ഹത്ത-ലഹ്ബാബ് റോഡിൽ വാഹനം മറിഞ്ഞുണ്ടായ അപകടത്തിൽ പരുക്കേറ്റ വിദ്യാർഥികളെ ദുബൈ പൊലിസ് ടീം സന്ദർശിച്ചു. ദുബൈ പൊലിസ് ആക്ടിംഗ് കമാൻഡർ-ഇൻ-ചീഫ് മേജർ ജനറൽ ബലിൽ ഇബ്രാഹിം അൽ മൻസൂരിയുടെ നിർദേശപ്രകാരം ലഹ്ബാബ് പൊലിസ് സ്റ്റേഷൻ ഡയരക്ടർ ലെഫ്റ്റനന്റ് കേണൽ റാഷിദ് മുഹമ്മദ് സാലമിന്റെ നേതൃത്വത്തിലുള്ള ദുബൈ പൊലിസ് ലഫ്റ്റനന്റ് കേണൽ മുഹമ്മദ് സഖർ അൽ അമീരിയും ജനറൽ ഡിപ്പാർട്ട്മെന്റ് ഓഫ് ക്രിമിനൽ ഇൻവെസ്റ്റിഗേഷനിലെ വിക്ലിം സപ്പോർട്ട് ടീമും അൽ ജലീല റാഷിദ് ആശുപത്രികളിലും വീടുകളിലും സന്ദർശിച്ച് അവരുടെ ആരോഗ്യ നില പരിശോധിക്കുകയും വേഗത്തിൽ സുഖം പ്രാപിക്കട്ടെയെന്ന് ആശംസിക്കുകയും ചെയ്തു.

 സന്ദർശന വേളയിൽ ലെഫ്റ്റനന്റ് കേണൽ റാഷിദ് സാലമും അനുഗമിക്കുന്ന പ്രതിനിധി സംഘവും വിദ്യാർഥികളുടെ ആരോഗ്യ സ്ഥിതിയെക്കുറിച്ച് ചോദിച്ചറിഞ്ഞു. അവർക്ക് പൂക്കളും സമ്മാനങ്ങളും വിതരണം ചെയ്തു. അവർ വേഗത്തിൽ സുഖം പ്രാപിച്ച് പഠനത്തിലേക്ക് മടങ്ങി വരാൻ ആശംസ്സിക്കുകയും പ്രാർ ഥിക്കുകയും ചെയ്തു. എല്ലാ സർക്കാർ, സ്വകാര്യ സ്ഥാപനങ്ങളുമായും വ്യക്തികളുമായും സാമൂഹിക ആശയ വിനിമയം ശക്തിപ്പെടുത്തുകയെ അലക്ഷ്യത്തോടെയുള്ള ദുബൈ പൊലിസിൻ്റെ സാമൂഹിക സംരംഭങ്ങളുടെ ഭാഗമാണ് ഈ സന്ദർശനമെന്ന് ലെഫ്റ്റനൻ്റ് കേണൽ റാഷിദ് സാലം ഊന്നിപ്പറഞ്ഞു പൊലിസും വിദ്യാഭ്യാസ സ്ഥാപനങ്ങളും തമ്മിലുള്ള സാമൂഹിക പങ്കാളിത്തം വർധിപ്പിക്കുക, സുരക്ഷാ-ട്രാഫിക് വിഷയങ്ങളിൽ അവബോധവും വിദ്യാഭ്യാസവുമുള്ള ഒരു തലമുറയെ കെട്ടിപ്പടുക്കുക.

ഏകോപിപ്പിച്ച് ബോധവൽക്കരണ പരിപാടികൾ ആരംഭിക്കുക എന്നീ ലക്ഷ്യ ങ്ങളോടെയുള്ള സ്‌കൂൾ സെക്യൂരിറ്റി' സംരംഭവുമായും സന്ദർശനം യോജിപ്പിച്ചിരിക്കുന്നു. പരുക്കേറ്റ വിദ്യാർഥികളുടെ ആത്മാഭിമാനം ഉയർത്താനും ഈ പ്രയാസകരമായ സമയത്ത് അവർക്കൊപ്പം നിൽക്കാനും ലക്ഷ്യമിട്ടുള്ള പൊലീസിന്റെ മാനുഷിക സംരംഭങ്ങൾക്ക് വിദ്യാർത്ഥികളുടെ കുടുംബങ്ങൾ നന്ദിയും അഭിനന്ദനവും അറിയിച്ചു. ഹത്ത-ലഹ്ബാബ് റോഡിൽ വാഹനം മറിഞ്ഞുണ്ടായ അപകടത്തിൽ ഒരു വിദ്യാർഥി മരിക്കുകയും ഡ്രൈവർ ഉൾപ്പെടെ 11 പേർക്ക് പരുക്കേൽക്കുകയുമായിരുന്നു. അമിത വേഗവും ഡ്രൈവറുടെ ശ്രദ്ധക്കുറവുമാണ് അപകടത്തിന് കാരണമായത്. വാഹനത്തിൻ്റെ നിയന്ത്രണം നഷ്‌ടപ്പെട്ട് പെട്ടെന്ന് മെറ്റൽ ബാരിയറിൽ ഇടിച്ച് മണൽ പ്രദേശത്തേക്ക് മറിയുകയായിരുന്നു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക