തൊട്ടില്‍പ്പാലം: ദേവര്‍കോവില്‍ കെ.വി.കുഞ്ഞമ്മദ് മെമ്മോറിയല്‍ യു.പി സ്‌കൂളില്‍ പുതുവര്‍ഷം നന്മയുടെ നറുമണം പരത്തുന്ന പരിപാടികളോടെ ആഘോഷിച്ചു. പ്രദേശത്തെ മുതിര്‍ന്ന പൗരന്‍ കെ.ടി അബൂബക്കര്‍ മൗലവി പുതുവര്‍ഷ സന്ദേശം കൈമാറി. ജനങ്ങളുടെ ഹൃദയം കവര്‍ന്ന ട്രാഫിക് ഹോം ഗാര്‍ഡ് പുഷ്പനെ വിദ്യാര്‍ഥികള്‍ പൊന്നാട ചാര്‍ത്തി ആദരിച്ചു. അംഗ പരിമിധി മൂലം കിടപ്പിലായ വിദ്യാര്‍ഥികള്‍ക്ക് പുതുവര്‍ഷ സ്‌നേഹോപഹാര വിതരണവും നടത്തി. നടീല്‍ കര്‍മ്മം സി.കെ ഖാലിദ് മാസ്റ്റര്‍ നിര്‍വഹിച്ചു.
കഴിഞ്ഞ ഒരു വര്‍ഷത്തെ വിദ്യാലയ വിസ്മയങ്ങള്‍ രേഖപ്പെടുത്തിയ കൊളാഷ് പ്രദര്‍ശനവും ക്വിസ് മത്സരവും അരങ്ങേറി. ഹെഡ്മാസ്റ്റര്‍ പി.കെ നവാസ് അധ്യക്ഷനായി. അഹമ്മദ് കുമ്പളങ്കണ്ടണ്ടി, കെ.ഇ ജലീല്‍, ഒ. രവീന്ദ്രന്‍, എം രാജന്‍, കെ.എം ശാന്തകുമാരി സംസാരിച്ചു. കെ.പി മുഹമ്മദ് ഷംസീര്‍ സ്വാഗതവും സ്വാലിഹത്ത് ടീച്ചര്‍ നന്ദിയും പറഞ്ഞു.