കേരളത്തിലെ സ്വകാര്യ സ്വാശ്രയ കോളജുകളില്‍ ഹോട്ടല്‍ മാനേജ്‌മെന്റ് ആന്റ് കാറ്ററിങ് ടെക്‌നോളജി കോഴ്‌സിന് അപേക്ഷ ക്ഷണിച്ചു. BHMCT 2025ന് എല്‍ബിഎസ് സെന്റര്‍ ഫോര്‍ സയന്‍സ് ആന്റ് ടെക്‌നോളജി മുഖേനയാണ് നിയമനം നടക്കുന്നത്. ട്രാവല്‍, ടൂറിസം, ഹോട്ടല്‍ മാനേജ്‌മെന്റ് മേഖലകളില്‍ കരിയര്‍ ആഗ്രഹിക്കുന്നവര്‍ക്ക് മികച്ച അവസരമാണിത്. 

കോളജുകള്‍

സൗത്ത് പാർക്ക് ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്റ് (നെടുമങ്ങാട്), രാജ്ധാനി ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്റ് ആൻഡ് കാറ്ററിങ് ടെക്‌നോളജി (ആറ്റിങ്ങൽ), കെഎംസിടി കോളേജ് ഓഫ് ഹോട്ടൽ മാനേജ്മെന്റ് ആൻഡ് കാറ്ററിങ് ടെക്‌നോളജി (കുറ്റിപ്പുറം), വിശ്വജ്യോതി കോളേജ് ഓഫ് എൻജിനിയറിങ് ആൻഡ് ടെക്‌നോളജി (വാഴക്കുളം) (നാലിനും എപിജെ അബ്ദുൽ കലാം ടെക്‌നോളജിക്കൽ സർവകലാശാലാ അഫിലിയേഷൻ), ലൂർദ്‌സ് മാതാ ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്റ് ആൻഡ് കാറ്ററിങ് ടെക്‌നോളജി (കാട്ടാക്കട), ശ്രീനാരായണ ഗുരു മെമ്മോറിയൽ കാറ്ററിങ് കോളേജ് (ചേർത്തല), സ്നേഹാചാര്യ ഇൻസ്റ്റിറ്റ്യൂട്ട് ഓഫ് മാനേജ്‌മെന്റ് ആൻഡ് ടെക്‌നോളജി (കരുവാറ്റ) (മൂന്നിനും കേരള സർവകലാശാല അഫിലിയേഷൻ). 

എല്‍ബിഎസ് സെന്റര്‍ നടത്തുന്ന കേരള ഹോട്ടല്‍ മാനേജ്‌മെന്റ് ആപ്റ്റിറ്റിയൂഡ് ടെസ്റ്റ് (KHMAT) റാങ്ക് അനുസരിച്ചാണ് മെറിറ്റ് സീറ്റുകളിലേക്ക് പ്രവേശനം ലഭിക്കുക. സെല്‍ഫ് ഫിനാന്‍സിങ് കോളജുകളില്‍ ബന്ധപ്പെട്ട മാനേജ്‌മെന്റുകള്‍ നേരിട്ട് മാനേജ്‌മെന്റ് സീറ്റുകളും അനുവദിക്കും. 

യോഗ്യത

ഹയര്‍ സെക്കണ്ടറി/ തത്തുല്യ പരീക്ഷ വിജയിച്ചിരിക്കണം. അല്ലെങ്കില്‍ സമാനമേഖലയില്‍ ഡിപ്ലോമ ഇന്‍ വൊക്കേഷന്‍ (ഡി-വോക്) ജയിച്ചിരിക്കണം. 

പ്രവേശന സമയത്ത് യോഗ്യത നേടിയിരിക്കണം. 

അപേക്ഷ

www.lbscentre.in, lbscentre.kerala.gov.in എന്നീ വെബ്‌സൈറ്റുകള്‍ സന്ദര്‍ശിച്ച് ഓണ്‍ലൈനായി അപേക്ഷിക്കാം. 1300 രൂപയാണ് അപേക്ഷ ഫീസ്. എസ്.സി,എസ്.ടിക്കാര്‍ക്ക് 750 രൂപമതി.  മേയ് 22ന് മുന്‍പായി അപേക്ഷകള്‍ അയക്കണം. 

Applications are invited for the Hotel Management and Catering Technology (BHMCT) course 2025 in private self-financing colleges in Kerala. 

കൂടുതല്‍ education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

കൂടുതല്‍ Career വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക