ദുബൈ: കഴിഞ്ഞ കുറച്ച് മാസങ്ങളായി സോഷ്യല്‍ മീഡിയയില്‍  വൈറലായ ഒരു ചോക്ലേറ്റുണ്ട്. പരുക്കന്‍, ഇളം പച്ച നിറത്തിലുള്ള ചോക്ലേറ്റാണിത്. അതിന്റെ പ്രധാന ചേരുവകളിലൊന്നായ ചോക്ലേറ്റിന്റെ ആഗോള വില ഇപ്പോള്‍ കുതിച്ചുയരുകയാണ്. 2022 ല്‍ യുഎഇ ആസ്ഥാനമായി പ്രവര്‍ത്തിക്കുന്ന ഫിക്‌സ് ഡെസേര്‍ട്ട് ചോക്ലേറ്റിയര്‍ ആദ്യമായി വിറ്റഴിച്ച പിസ്ത നിറച്ച 'ദുബൈ ചോക്ലേറ്റ്', ടിക് ടോക്കിലും മറ്റ് പല സമൂഹമാധ്യമങ്ങളിലും ഫുഡ് വ്‌ലോഗര്‍മാരും മറ്റും പങ്കുവച്ച വീഡിയോ ദൃശ്യങ്ങള്‍ വൈറലായതിനെ തുടര്‍ന്ന് ദുബൈയില്‍ ജനകീയമായി മാറിയിരുന്നു.

ഇതിനെ അനുകരിച്ച് നിരവധി ചോക്ലേറ്റുകള്‍ വിപണിയില്‍ ഇറങ്ങിയെങ്കിലും 'പിസ്ത നിറച്ച'  ഈ ചോക്ലേറ്റിന് ഇപ്പോഴും ആവശ്യക്കാര്‍ ഏറെയാണ്. 

ഒരു പൗണ്ട് പിസ്തക്ക് (തൊലി നീക്കം ചെയ്തതിനുശേഷം ലഭിക്കുന്നത്) ഇപ്പോള്‍ ഒരു പൗണ്ടിന് 10.30 ഡോളറാണ്. അതായത് 879 രൂപയാണ്. ഒരു വര്‍ഷം മുമ്പ് ഇതിന് 7.65 ഡോളറായിരുന്നു. 

എന്നിരുന്നാലും, വര്‍ദ്ധിച്ചുവരുന്ന ആവശ്യകത മാത്രമല്ല പരിപ്പിന്റെ വില ഉയരാന്‍ കാരണമെന്ന് ഞങ്ങള്‍ വിശദീകരിക്കുന്നു.

ദുബൈയിലെ ഫിക്‌സിന്റെ സ്ഥാപകയായ സാറാ ഹമൂദ 2021ലാണ് ഈ ചോക്ലേറ്റ് നിര്‍മ്മിച്ചത്. മിഡില്‍ ഈസ്റ്റേണ്‍ ഡെസേര്‍ട്ടായ ക്‌നാഫെ അല്ലെങ്കില്‍ കുനാഫയില്‍ നിന്ന് പ്രചോദനം ഉള്‍ക്കൊണ്ടാണ് ഇത് നിര്‍മ്മിച്ചിരിക്കുന്നത്. വെര്‍മിസെല്ലി അല്ലെങ്കില്‍ പൊടിച്ച പേസ്ട്രി ഷീറ്റുകള്‍ ഉപയോഗിച്ചാണ് ഇത് നിര്‍മ്മിച്ചിരിക്കുന്നത്. മധുരമുള്ള ക്രീം ചീസ് നിറച്ച് പഞ്ചസാര സിറപ്പും പിസ്തയും ചേര്‍ത്താണ് ഇത് നിര്‍മ്മിച്ചിരിക്കുന്നത്.

യുകെയിലാണ് ഹമൂദും ഭര്‍ത്താവ് യെസെന്‍ അലനും വളര്‍ന്നത്. ഈജിപ്തില്‍ വേരുകളുള്ള ഇവര്‍ ഒരു പതിറ്റാണ്ട് മുമ്പാണ് യുഎഇയിലേക്ക് താമസം മാറിയത്. ഗര്‍ഭിണിയായിരിക്കെ ഒരു പ്രത്യേക രുചി ആഗ്രഹിച്ചപ്പോഴാണ് ഈ ആശയം തനിക്ക് വന്നതെന്ന് ഹമൂദ പറഞ്ഞു.

നിരവധി മാസങ്ങളായി അവരുടെ ബ്രാന്‍ഡിന് പരിമിതമായ വില്‍പ്പന മാത്രമേ ഉണ്ടായിരുന്നുള്ളൂ. 2023 ഡിസംബറില്‍ ഇവര്‍ നിര്‍മ്മിച്ച ചോക്ലേറ്റിന്റെ ഒരു ടിക് ടോക്ക് വീഡിയോ സമൂഹമാധ്യമങ്ങളില്‍ വന്‍ പ്രചാരം നേടിയതിനെ തുടര്‍ന്ന് 30,000-ത്തിലധികം ഓര്‍ഡറുകള്‍ ലഭിച്ചതായി ഹമൂദ ന്യൂയോര്‍ക്ക് ടൈംസിനോട് പറഞ്ഞു. മിഡില്‍ ഈസ്റ്റിന് പുറത്തുള്ള വിഭവങ്ങളില്‍ അപൂര്‍വമായ പിസ്തയുടെ വ്യത്യസ്തമായ രുചിയും, ക്രഞ്ചി ടെക്‌സ്ചറും അതിന്റെ സവിശേഷമായ രുചിയുമാണ് ദുബൈ ചോക്ലേറ്റിനെ ഇത്രമാത്രം ജനപ്രിയമാക്കുന്നത്.

2024-ല്‍, ഫുഡ് ആന്‍ഡ് ഡ്രിങ്ക്‌സ് റെസിപ്പി വിഭാഗത്തില്‍ ഗൂഗിളില്‍ ഏറ്റവും കൂടുതല്‍ തിരയപ്പെട്ട പദങ്ങളിലൊന്നായിരുന്നു 'ദുബൈ ചോക്ലേറ്റ്'. എന്തായാലും സംഭവം ഹിറ്റായതോടെ ദുബൈ ചോക്ലേറ്റ് യുഎഇയും കടന്ന് യൂറേപ്പിലും അമേരിക്കയിലും വരെ എത്തിക്കഴിഞ്ഞു.

ഇറാനിലും പരിസര പ്രദേശങ്ങളിലും പിസ്ത വളര്‍ത്തിയിരുന്നു. ഈ വിളയ്ക്ക് ചൂടുള്ളതും വരണ്ടതുമായ കാലാവസ്ഥ ആവശ്യമുള്ളതിനാല്‍, അവ തെക്കന്‍ യൂറോപ്പിലേക്കും മിഡില്‍ ഈസ്റ്റിന്റെ മറ്റ് ഭാഗങ്ങളിലേക്കും വ്യാപിച്ചു. ഇന്ന്, ലോകത്തിലെ ഏറ്റവും വലിയ പിസ്ത ഉല്‍പാദകര്‍ അമേരിക്കയാണ്. രാജ്യത്തിന്റെ കൃഷിയുടെ 99 ശതമാനവും കാലിഫോര്‍ണിയയിലാണ് കേന്ദ്രീകരിച്ചിരിക്കുന്നത്. ലോകത്തിലെ രണ്ടാമത്തെ വലിയ ഉല്‍പാദകരായ ഇറാന്‍, 2025 മാര്‍ച്ച് വരെയുള്ള ആറ് മാസത്തിനുള്ളില്‍ യുഎഇയിലേക്ക് 40 ശതമാനം കൂടുതല്‍ പിസ്ത കയറ്റുമതി ചെയ്തുവെന്ന് ഇറാന്റെ കസ്റ്റംസ് ഓഫീസ് അറിയിച്ചു. എന്തു തന്നെയായാലും ദുബൈ ചോക്ലേറ്റ് ഹിറ്റാകുന്നതോടൊപ്പം പിസ്തയുടെ വിലയും വര്‍ധിക്കുന്നുണ്ട്.

As chocolate consumption rises among UAE residents, demand for premium ingredients like pistachios is also increasing—leading to a potential price hike. Discover the surprising link between chocolate trends and pistachio markets.