ദുബൈ: തൃശൂർ പെരിഞ്ഞനം സ്വദേശി സത്യൻ വെങ്കടങ്ങിൽ മാമൻ (60) ദുബൈയിൽ നിര്യാതനായി. ഈ മാസം 1ന് സ്ട്രോക്കുണ്ടായതിനെ തുടർന്ന് ദുബൈ റാഷിദ് ഹോസ്പിറ്റലിൽ പ്രവേശിപ്പിക്കപ്പെട്ട സത്യന് ശസ്ത്രക്രിയ നടത്തി അസുഖം ഭേദപ്പെട്ടിരുന്നു.

വിദഗ്ധ ചികിത്സക്കായി നാട്ടിലേക്ക് കൊണ്ടുപാകാൻ തയാറെടുക്കുന്നതിനിടെ ഹൃദയാഘാതമുണ്ടായി മരണം സംഭവിക്കുകയായിരുന്നുവെന്ന് ബന്ധപ്പെട്ടവർ അറിയിച്ചു. ദുബൈയിലെ ഡാബ്‌കോ മൊബൈൽ ഫോൺ ട്രേഡിങിൽ ഹാർഡ്‌വെയർ/സോഫ്റ്റ്‌വെയർ സ്റ്റാഫായി ജോലി ചെയ്തു വരികയായിരുന്നു.

മാതാവ് അമ്മിണി. ഭാര്യ: അജിത. മക്കൾ: ശ്രീരാഗ്, അക്ഷയ. മൃതദേഹം ഇന്ന് രാവിലെ 9ന് നടപടിക്രമങ്ങൾ പൂർത്തിയാക്കി നാട്ടിലേക്ക് കൊണ്ട് പോകും.

Perinjanam native dies while undergoing treatment in Dubai