ജബല്‍പൂര്‍: പുരോഹിതര്‍ ഉള്‍പെടെയുള്ള ക്രൈസ്തവ തീര്‍ഥാടന സംഘത്തിന് നേരെ തീവ്ര ഹിന്ദുത്വരുടെ ആക്രമണം. മധ്യപ്രദേശിലാണ് സംഭവം. പൊലിസിന് മുന്നില്‍ വെച്ച് സംഘത്തെ മര്‍ദ്ദിക്കുന്നതിന്റെ വീഡിയോ പുറത്തു വന്നിട്ടുണ്ട്. അക്രമി സംഘത്തില്‍ സ്ത്രീകളുമുണ്ട്.

മാണ്ഡാല പള്ളിയിലെ പുരോഹിതരും തീര്‍ഥാടകരും ഉള്‍പ്പെടുന്ന സംഘമാണ് ആക്രമണത്തിനിരയായത്. പള്ളിയുടെ 25ാം വാര്‍ഷികാഘോഷത്തിന്റെ ഭാഗമായി 'പ്രതീക്ഷയുടെ തീര്‍ത്ഥാടനം'  എന്ന പേരില്‍ സംസ്ഥാനത്തിലെ വിവിധ പള്ളികളില്‍ സന്ദര്‍ശനം നടത്തുകയായിരുന്നു സംഘം. 

സന്ദര്‍ശനങ്ങള്‍ പുരോഗമിക്കുന്നതിനിടെ ഒരു സംഘം വി.എച്ച്.പി ബജ്‌റംഗ്ദള്‍ പ്രവര്‍ത്തകര്‍ ഇവരുടെ ബസ് തടഞ്ഞു. ബസിലുള്ളവരെ ഒമ്തി പൊലിസ് സ്റ്റേഷനിലേക്ക് കൊണ്ടുപോയി. എന്നാല്‍, പൊലിസ് ഇവരെ വിട്ടയച്ചു.

യാത്ര തുടര്‍ന്ന ഇവരെ വീണ്ടും വി.എച്ച്.പി, ബജ്‌റംഗ്ദള്‍ പ്രവര്‍ത്തകര്‍  തടയുകയും പൊലിസ് സ്റ്റേഷനിലേക്ക് കൊണ്ടു പോവുകയും ചെയ്തു. ഈ സ്റ്റേഷനില്‍വെച്ചാണ് പുരോഹിതരടക്കമുള്ളവര്‍ക്ക് നേരെ ഹിന്ദുത്വരുടെ ക്രൂരമായ ആക്രമണമുണ്ടായത്. 

Members of RSS affiliated terrorist organisation #BajrangDal, stopped a bus carrying Christian pilgrims and assaulted Indian Christians, including a priest!#Hindutva #HinduRashtra pic.twitter.com/XJBAIbEbzL

— 𝔻𝕙𝕒𝕣𝕞𝕒𝕒 🇨🇦 🇺🇲 (@KaleshiBua) April 2, 2025

ആക്രമണത്തെ അപലപിച്ച് വിവിധ ക്രിസ്ത്യന്‍ സംഘടനകള്‍ രംഗത്തെത്തി. പുരോഹിതര്‍ക്ക് നേരെയുണ്ടായ പ്രാകൃതമായ ആക്രമണത്തെ അപലപിക്കുന്നുവെന്ന് ക്രിസ്ത്യന്‍ റിഫോം യുണൈറ്റഡ് പീപിള്‍സ് അസോസിയേഷന്‍ പ്രതികരിച്ചു. അക്രമികള്‍ക്കെതിരെ ശക്തമായ നടപടി സ്വീകരിക്കണമെന്നും അസോസിയേഷന്‍ ആവശ്യപ്പെട്ടു.