ന്യൂഡൽഹി: ശനിയെ ചുറ്റിയുള്ള 128 പുതിയ ഉപഗ്രഹങ്ങൾ ജ്യോതിശാസ്ത്രജ്ഞർ കണ്ടെത്തിയതോടെ, ഉപഗ്രഹങ്ങളുടെ എണ്ണത്തിൽ മറ്റു ​ഗ്രഹങ്ങൾക്ക് മറികടക്കാനാകാത്തവിധം ഉപ​ഗ്രഹങ്ങൾ ഇനി ശനിയ്ക്ക് സ്വന്തം. ഇതോടെ, ശനിയുടെ ആകെ ഉപഗ്രഹങ്ങളുടെ എണ്ണം 274 ആയി ഉയർന്നു, ഇത് മറ്റു എല്ലാ ഗ്രഹങ്ങളുടെയും സംഖ്യയുടെ ഇരട്ടിയാണ്. വ്യാഴം ഇതുവരെ "ചന്ദ്രരാജാവ്" എന്ന പദവിയിലുണ്ടായിരുന്നെങ്കിലും, പുതിയ കണ്ടെത്തലുകളോടെ ശനിയാണ് ഏറ്റവും കൂടുതൽ ഉപഗ്രഹങ്ങളുള്ള ഗ്രഹം.

കാനഡ, ഫ്രാൻസ്, ഹവായ് എന്നിവിടങ്ങളിലെ ദൂരദർശിനികളുടെ സഹായത്തോടെ, ശനിയുടെ 62 ഉപഗ്രഹങ്ങളെ മുമ്പ് തിരിച്ചറിഞ്ഞിരുന്നു. അവയുടെ എണ്ണം കൂടുതലായിരിക്കുമെന്ന് സൂചന ലഭിച്ചതിനാൽ, 2023 മുതൽ കൂടുതൽ നിരീക്ഷണങ്ങൾ നടത്തികൊണ്ടിരുന്നു.

2024 ഫെബ്രുവരി 5-ന് സ്ഥിരീകരിച്ച ഭ്രമണപഥങ്ങളുള്ള വ്യാഴത്തിന്റെ ഉപഗ്രഹങ്ങളുടെ എണ്ണം 95 ആയിരുന്നു. ഈ ആഴ്ച അന്താരാഷ്ട്ര ജ്യോതിശാസ്ത്ര യൂണിയൻ (IAU) പുതിയ 128 ഉപഗ്രഹങ്ങളെ ഔദ്യോഗികമായി അംഗീകരിച്ചതോടെ ഏറ്റവും ഉപ​ഗ്രഹങ്ങൾ ഉള്ള ​ഗ്രഹമായി ശനി മാറി.

ഷിഫ്റ്റ് ആൻഡ് സ്റ്റാക്ക്" സാങ്കേതികത: ഉപഗ്രഹങ്ങളെ തിരിച്ചറിയാനായി ജ്യോതിശാസ്ത്രജ്ഞർ തുടർച്ചയായ ചിത്രങ്ങൾ ചേർത്ത് സംയോജിപ്പിച്ചു, അതിലൂടെ അവയെ ദ‍‍ൃശ‍്യങ്ങൾ ഉൾപ്പെടുത്താനായി. ക്രമരഹിതമായ ഉപഗ്രഹങ്ങൾ": വലുതും ദീർഘവൃത്താകൃതിയിലുള്ള ഭ്രമണപഥങ്ങളുള്ള, ഏതാനും കിലോമീറ്റർ വ്യാസമുള്ള ചെറിയ വസ്തുക്കളാണ് ഇവ. കഴിഞ്ഞ 100 ദശലക്ഷം വർഷത്തിനിടെ നടന്ന കൂട്ടിയിടികളുടെ ഫലമായി വലിയ വസ്തുക്കൾ തകർന്നതിന്റെ അവശിഷ്ടങ്ങളാകാമെന്ന് ശാസ്ത്രജ്ഞർ വിലയിരുത്തുന്നു.

ശനിയുടെ ഉപഗ്രഹങ്ങളുടെ ഘടനയും ചലനാത്മകതയും മനസ്സിലാക്കുന്നത് ഗ്രഹത്തിന്റെ വളയങ്ങളുടെ ഉത്ഭവം പഠിക്കാൻ സഹായിക്കും.
വലിയ കൂട്ടിയിടികളിലൂടെ രൂപപ്പെട്ട ഉപഗ്രഹങ്ങളുടെ സ്ഥിതിവിവരകണക്കുകൾ, സൗരയൂഥത്തിന്റെ പ്രാരംഭ ഘട്ടത്തിലെ ഗതിവിഗതികൾ മനസ്സിലാക്കാൻ ഒരു ജാലകമാകുമെന്ന് ശാസ്ത്രജ്ഞർ ചൂണ്ടിക്കാട്ടുന്നു. ബ്രിട്ടീഷ് കൊളംബിയ സർവകലാശാലയിലെ പ്രൊഫസർ ബ്രെറ്റ് ഗ്ലാഡ്മാന്റെ അഭിപ്രായത്തിൽ, പുതിയ ഉപഗ്രഹങ്ങൾ യഥാർത്ഥത്തിൽ ശനിയുടെ മുൻകാല ഉപഗ്രഹങ്ങളോ, അതിനോട് കടന്നുപോയ വാൽനക്ഷത്രങ്ങളോ ഉണ്ടായ കൂട്ടിയിടികളുടെ ഫലമായിരിക്കാം.