ദോഹ: രാജ്യത്തെ ഏറ്റവും പുതിയ കാലാവസ്ഥ വിവരങ്ങൾ ഖത്തർ കാലാവസ്ഥാ വകുപ്പ് (QMD) അപ്ഡേറ്റ് ചെയ്തു. രാജ്യത്ത് ഇന്ന് മുതൽ (2025 മാർച്ച് 6 വ്യാഴാഴ്ച്ച)  താപനില ഉയരുമെന്നാണ് പ്രധാന പ്രവചനം. ചൂടുള്ള കാലാവസ്ഥ വാരാന്ത്യത്തിലും തുടരുമെന്നാണ് പ്രതീക്ഷിക്കുന്നതെന്നും അറിയിപ്പിൽ പറയുന്നു. പ്രവാചനത്തിലെ പ്രധാന ഹൈലൈറ്റ്സുകൾ ഇങ്ങനെ;

*  മാർച്ചിൽ പ്രത്യേകിച്ച് മാസത്തിൻ്റെ രണ്ടാം പകുതിയിൽ, സാധാരണയായി താപനിലയിൽ ക്രമാനുഗതമായ വർദ്ധനവ് കൊണ്ടുവരും.

* കഴിഞ്ഞ വർഷങ്ങളിൽ മാർച്ച് മാസത്തിലെ ദൈനംദിന ശരാശരി താപനില സാധാരണയായി 21.9°C ആയിരുന്നു.

* മാർച്ചിൽ ഇതുവരെ രേഖപ്പെടുത്തിയിട്ടുള്ളതിൽ വച്ച് ഏറ്റവും കുറഞ്ഞ താപനില (1984-ൽ) 8.2°C ആയിരുന്നു.  രേഖപ്പെടുത്തിയ ഏറ്റവും ഉയർന്ന താപനില (1998-ൽ) 39°C ആയിരുന്നു.

അതേസമയം, സഊദി അറേബ്യയുടെ വിവിധ ഭാഗങ്ങളിൽ കനത്ത മഴയെ തുടർന്ന് ചില മേഖലകളിൽ റെഡ് അലർട്ട് പ്രഖ്യാപിച്ചിട്ടുണ്ട്. ഇന്നലെ മുതൽ അടുത്ത നാല് ദിവസത്തേക്കാണ് റെഡ് അലർട് പ്രഖ്യാപിച്ചിട്ടുള്ളത്. മദീന നഗരത്തിന് പുറത്ത് ഇന്ന് രാവിലെ മഴയെത്തിയിരുന്നു. മദീനയിലേക്ക് നീളുന്ന തബൂക്ക്, ഹാഇൽ, റിയാദ് ഹൈവേകളിലെല്ലാം മഴ മുന്നറിയിപ്പ് തുടരുകയാണ്. ഇന്ന് രാവിലെ വരെ ഹാഇലിലും ഖസീം പ്രവിശ്യയിലും റെഡ് അലേർട്ടുണ്ട്. പല ഭാഗത്തും വെള്ളം ഉയരാനുള്ള സാധ്യതയുണ്ടെന്ന് സിവിൽ ഡിഫൻസ് മുന്നറിയിപ്പ് നൽകി.

Noticeable rise in temperatures in Qatar starting today