ദുബൈ: ഞായറാഴ്ച ദുബൈയിൽ നടക്കുന്ന ഐസിസി ചാമ്പ്യൻസ് ട്രോഫി ഫൈനലിനുള്ള ടിക്കറ്റുകൾ ചൊവ്വാഴ്ച രാത്രി 10 മുതൽ ലഭ്യമാകും. ദുബൈയിൽ നടന്ന ഒന്നാം സെമിയിൽ ഓസ്ട്രേലിയയെ പരാജയപ്പെടുത്തിയ ഇന്ത്യ, ബുധനാഴ്ച ലാഹോറിൽ നടക്കുന്ന ന്യൂസിലൻഡും ദക്ഷിണാഫ്രിക്കയും തമ്മിലുള്ള രണ്ടാം സെമിഫൈനലിലെ വിജയികളുമായി ഫൈനലിൽ ഏറ്റുമുട്ടും. ആരാധകർക്ക് ഫൈനൽ കാണാനും ഏത് ടീമാണ് ഐക്കണിക് വൈറ്റ് ജാക്കറ്റുകൾ സ്വന്തമാക്കുകയെന്ന് അറിയാനും അവസരം ലഭിക്കും.

"മാർച്ച് 9 ന് പ്രാദേശിക സമയം ഉച്ചക്ക് 1 മണിക്ക് ആരംഭിക്കുന്ന മത്സരത്തിനുള്ള ടിക്കറ്റുകൾ ഓൺലൈനിൽ ലഭിക്കും. ദുബൈ ഇന്റർനാഷണൽ സ്റ്റേഡിയം ബോക്സ് ഓഫീസിലും ടിക്കറ്റുകൾ ലഭ്യമാകും. 250 ദിർഹം മുതൽ ആരംഭിക്കുന്ന പരിമിതമായ ടിക്കറ്റുകളിൽ ആരാധകർക്ക് നേരത്തെയുള്ള ഓഫർ ലഭിക്കും" എന്ന് ഐസിസി പത്രക്കുറിപ്പിൽ വ്യക്തമാക്കി.

Get ready to witness the ultimate clash! Tickets for the Champions Trophy 2025 Final will be available starting tomorrow, with India set to face the winner of the South Africa-New Zealand semi-final on March 9 at the Dubai International Cricket Stadium