കണ്ണൂര്‍: എ.ഡി.എം നവീന്‍ ബാബുവിന്റെ മരണത്തില്‍ സി.ബി.ഐ അന്വേഷണം ആവശ്യപ്പെട്ടുള്ള ഹരജി ഹൈക്കോടതി തള്ളിയതിന് പിന്നാലെ സോഷ്യല്‍ മീഡിയയില്‍ കുറിപ്പുമായി  മുന്‍ കണ്ണൂര്‍ ജില്ലാ പഞ്ചായത്ത് പ്രസിഡന്റ് പി പി ദിവ്യ.  അഭിപ്രായം പറയാനുള്ള ആര്‍ജ്ജവവും അടിയറവ് വെക്കരുതെന്നും പോരാട്ടം തുടരുക തന്നെയെന്നും ദിവ്യ കുറിച്ചു.

ചിത്രകാരന്‍ പൊന്ന്യം ചന്ദ്രന്റെ വരികളും വരയുമാണ് പി പി ദിവ്യ ഫേസ് ബുക്കില്‍ പങ്കുവച്ചത്. കേസിനെ കുറിച്ചൊന്നും പറയാതെയാണ് കുറിപ്പ്. 

കുറിപ്പിന്റെ പൂര്‍ണരൂപം

'എല്ലാ പ്രതിസന്ധിയെയും 
ഏതവസരത്തിലും മറികടക്കാനാവണം....
അനീതി കണ്‍കുളിര്‍ക്കെ
കാണാനുള്ള കരുത്തും 
അഭിപ്രായം പറയാനുള്ള
ആര്‍ജ്ജവവും 
അടിയറവ് വെക്കരുത് 
പോരാട്ടം തുടരുക തന്നെ..
പ്രിയ ചിത്രകാരന്‍ പൊന്ന്യം ചന്ദ്രേട്ടന്റെ വരികളും വരയും നല്‍കിയ ഊര്‍ജത്തിന് നന്ദി....'

എ.ഡി.എം നവീന്‍ ബാബുവിന്റെ മരണത്തില്‍ സി.ബി.ഐ അന്വേഷണം ആവശ്യപ്പെട്ടുള്ള കുടുംബത്തിന്റെ ഹരജിയാണ് ഹൈക്കോടതി ഡിവിഷന്‍ ബെഞ്ച് തള്ളിയത്.