മേപ്പാടി:  മുണ്ടക്കൈ- ചൂരല്‍മല പുനരധിവാസത്തിനുള്ള രണ്ടാംഘട്ട കരട് പട്ടിക തയ്യാറായി. പുതുതായി പുറത്തിറക്കിയ നോ ഗോ സോണ്‍ പ്രദേശത്തെ കരടു പട്ടികയില്‍ 81 കുടുംബങ്ങളുണ്ട്. 

പത്താം വാര്‍ഡില്‍ ഉള്‍പ്പെട്ടത് 42 കുടുംബങ്ങള്‍. പതിനൊന്നാം വാര്‍ഡില്‍ 29 ഉം , പന്ത്രണ്ടാം വാര്‍ഡില്‍ 10 ഉം കുടുംബങ്ങള്‍.10 ദിവസത്തിനകം ആക്ഷേപങ്ങള്‍ ഉന്നയിക്കാന്‍ അവസരം. വൈത്തിരി താലൂക്ക് ഓഫീസ്, മേപ്പാടി ഗ്രാമപഞ്ചായത്ത്, വെള്ളരിമല വില്ലേജ് എന്നിവിടങ്ങളില്‍ ഹെല്‍പ്പ് ഡെസ്‌ക്കുകള്‍. മാര്‍ച്ച് 7 വരെ ആക്ഷേപങ്ങള്‍ നല്‍കാം. ആക്ഷേപങ്ങളില്‍ സ്ഥല പരിശോധന നടത്താന്‍ സബ് കലക്ടര്‍ക്ക് ചുമതല.

അതേസമയം അതിനിടെ പുനരധിവാസം വൈകുന്നത് ഉള്‍പ്പെടെയുള്ള വിഷയങ്ങള്‍ ചൂണ്ടിക്കാട്ടി ജനശബ്ദം ആക്ഷന്‍ കമ്മിറ്റിയുടെ നേതൃത്വത്തില്‍ ഇന്ന് കുടില്‍ കെട്ടി പ്രതിഷേധിക്കും. സമരമല്ലാതെ മറ്റു വഴികളില്ലാത്തതിനാലാണ് മുണ്ടക്കൈ-ചൂരല്‍മല ദുരന്തബാധിതര്‍ പ്രതിഷേധത്തിന് ഒരുങ്ങുന്നതെന്ന് ജനശബ്ദം ആക്ഷന്‍ കമ്മിറ്റി പറഞ്ഞു. 10 സെന്റ് ഭൂമിയില്‍ തന്നെ വീട് നിര്‍മ്മിക്കണം. പ്രദേശത്തുള്ളവരുടെ ലോണുകള്‍ എഴുതിതള്ളാന്‍ നടപടി ഉണ്ടായില്ലെന്നും ആക്ഷന്‍ കമ്മിറ്റി ചെയര്‍മാന്‍ നസീര്‍ ആലക്കല്‍ പറഞ്ഞു. സമരത്തിന് യുഡിഎഫ് പിന്തുണ പ്രഖ്യാപിച്ചു.