കുവൈത്ത് സിറ്റി: കുവൈത്ത് ആതിധേയത്വം വഹിക്കുന്ന അറേബ്യൻ ഗൾഫ് കപ്പ് ഫുട്ബോൾ ചാംപ്യൻഷിപ്പ് ഫൈനൽ മത്സരം ജനുവരി നാലിലേക്ക് മാറ്റി. നേരത്തെ ജനുവരി 3നാണ് മത്സരം നടത്താൻ തീരുമാനിച്ചിരുന്നത്. അറേബ്യൻ ഗൾഫ് കപ്പ് ഫുട്ബോൾ ഫെഡറേഷൻ (എജിസിഎഫ്എഫ്) ആണ് തീയതി മാറ്റം പ്രഖ്യാപിച്ചത്. എജിസിഎഫ്എഫ് കോമ്പറ്റീഷൻസ് കമ്മിറ്റി ചെയർമാൻ ഖാലിദ് അൽ മുഖൻ പ്രസ്താവനയിലൂടെയാണ് ഇക്കാര്യം അറിയിച്ചത്.

ഇന്ന് ഉച്ചയ്ക്ക് ശേഷമായിരുന്നു ഇതുസംബന്ധിച്ച അറിയിപ്പ് വന്നത്. അതേസമയം, സെമി ഫൈനൽ മത്സരങ്ങൾ മുൻപ് നിശ്ചയപ്രകാരം ചൊവ്വാഴ്‌ച നടക്കും. വൈകുന്നേരം 5.30 ന് നടക്കുന്ന ആദ്യ മത്സരത്തിൽ ഒമാൻ - സഊദി അറേബ്യയെ നേരിടും. വൈകിട്ട് 8.45 ന് നടക്കുന്ന രണ്ടാം സെമിയിൽ കുവൈത്തും ബഹ്റൈനും തമ്മിൽ ഏറ്റുമുട്ടും. അർദിയായിലെ ഷെയ്ഖ് ജാബർ ‌സ്റ്റേഡിയത്തിലാണ് മത്സരം.

The final match of the Arabian Gulf Cup football tournament has been rescheduled to January 4, marking a change in the original schedule.