ദോഹ: വ്യാജ ഓഫറുകൾ നൽകി കച്ചവടം നടത്തുന്ന സ്ഥാപനങ്ങളിൽ പരിശോധനയുമായി ഖത്തർ വാണിജ്യ-വ്യവസായ മന്ത്രാലയം. കച്ചവടം വർധിപ്പിക്കുന്നതിനായി സൂപ്പർമാർക്കറ്റുകളും ഷോപ്പിംഗ് മാളുകളും വിലയിൽ കൃത്രിമം കാണിക്കുന്നതായി പരാതികൾ ലഭിച്ചതിനെ തുടർന്നാണ് പരിശോധന.

വാണിജ്യ-വ്യവസായ മന്ത്രാലയത്തിൻ്റെ അനുമതിയില്ലാതെ കുറഞ്ഞ വിലയ്ക്ക് ചരക്കുകളോ സേവനങ്ങളോ നൽകുന്നത് ഖത്തറിൽ നിയമ വിരുദ്ധമാണ്. ഷോപ്പിംഗ് മാളുകളിലും സൂപ്പർമാർക്കറ്റുകളിലും പ്രൊമോഷണൽ ഓഫറുകളും കാമ്പയിനുകളും നടക്കുമ്പോൾ ഇത്തരം നിയമങ്ങളും ചട്ടങ്ങളും പാലിക്കുന്നുണ്ടോയെന്ന് ഉറപ്പുവരുത്തുക ലക്ഷ്യമിട്ടാണ് മന്ത്രാലയം പരിശോധനകൾ നടത്തുന്നത്. 

ഉൽപ്പന്നങ്ങളുടെ ഗുണമേന്മയും പ്രമോഷണൽ ഓഫറുകൾ പ്രഖ്യാപിക്കുന്നതിന് മുൻപ് അനുമതി വാങ്ങിയിട്ടുണ്ടോയെന്നും പരിശോധിക്കും. സൂപ്പർമാർക്കറ്റുകളും ഷോപ്പിംഗ് മാളുകളും നടത്തുന്ന പ്രൊമോഷനുകളിൽ വിലയിൽ കൃത്രിമം നടക്കുന്നുവെന്ന് ഉപഭോക്താക്കളിൽ നിന്ന് പരാതി ലഭിച്ചതായി മന്ത്രാലയം അറിയിച്ചു.

The Qatar Ministry of Commerce and Industry has launched an investigation into businesses offering fake deals and discounts, aiming to protect consumers from deceptive practices.