ന്യൂഡല്‍ഹി: ഹരിയാന തിരഞ്ഞെടുപ്പ് ഫലത്തില്‍ ക്രമക്കേട് ആരോപിച്ച കോണ്‍ഗ്രസിനെ തള്ളി തെരഞ്ഞെടുപ്പ് കമ്മിഷന്‍. വോട്ടിങ് യന്ത്രങ്ങളില്‍ പൊരുത്തക്കേടുണ്ടെന്ന ആരോപണം അടിസ്ഥാനരഹിതമാണെന്ന് കമ്മിഷന്‍ വ്യക്തമാക്കി. അടിസ്ഥാന രഹിതവും സെന്‍സേഷണലുമായ പരാതികള്‍ ഉയര്‍ത്തുന്നതില്‍നിന്ന് വിട്ടുനില്‍ക്കണമെന്ന് ആവശ്യപ്പെട്ട് എ.ഐ.സി.സി. അധ്യക്ഷന്‍ മല്ലികാര്‍ജുന്‍ ഖാര്‍ഗെക്ക് തെരഞ്ഞെടുപ്പ് കമ്മിഷന്‍ കത്തയച്ചു.

ഹരിയാന തിരഞ്ഞെടുപ്പ് നടപടിക്രമങ്ങളില്‍ ക്രമക്കേടുണ്ടെന്ന കോണ്‍ഗ്രസിന്റെ അടിസ്ഥാനരഹിതമായ ആരോപണങ്ങളെ തള്ളിക്കളഞ്ഞ കമ്മിഷന്‍, ഒരു ദേശീയ പാര്‍ട്ടിയില്‍നിന്ന് പ്രതീക്ഷിക്കാത്തതാണ് ഇത്തരം ആരോപണങ്ങളെന്നും, ഫലം എതിരാവുമ്പോള്‍ പൊതുവായ സംശയങ്ങള്‍ എന്ന പേരില്‍ ജനവിധിയെ ചോദ്യംചെയ്യുന്ന പ്രവണതയില്‍നിന്ന് വിട്ടുനില്‍ക്കണണെമെന്നും ആവശ്യപ്പെട്ടു.

ഒക്ടോബര്‍ അഞ്ചിന് നടന്ന ഹരിയാന നിയമസഭാ തിരഞ്ഞെടുപ്പില്‍, 90 അംഗ നിയമസഭയില്‍ 48 സീറ്റുകളുമായി ബി.ജെ.പി. മൂന്നാം തവണയും അധികാരത്തില്‍ തിരിച്ചെത്തിയിരുന്നു. എന്നാല്‍, താഴെത്തട്ടിലുണ്ടായിരുന്ന ജനവികാരത്തിന് വിരുദ്ധമായ ഫലം അംഗീരിക്കില്ലെന്നായിരുന്നു കോണ്‍ഗ്രസിന്റെ പ്രതികരണം. ഇതിനെതുടര്‍ന്ന് കോണ്‍ഗ്രസ് ക്രമക്കേട് ആരോപിച്ച് തെരഞ്ഞെടുപ്പ് കമ്മിഷനെ സമീപിച്ചിരുന്നു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

 In a surprising turn of events, the Election Commission has rejected the Congress party, departing from expectations. This development has significant implications for India's political landscape.