അബുദബി: എമിറേറ്റിലെ അംഗീകൃത ടൈപ്പിങ് സെൻ്ററുകളിൽ പൊതുമാപ്പിന്റെ ആദ്യ ദിവസം തന്നെ ഗണ്യമായ എണ്ണം അപേക്ഷകൾ ലഭിച്ചതായി റിപ്പോർട്ട്. നടപടിക്രമങ്ങൾ സുഗമമാക്കാനും അപേക്ഷകൾ സമർപ്പിക്കുന്നത് എളുപ്പമാക്കാനും ലക്ഷ്യമിട്ട് നിരവധി ടൈപ്പിങ് സെൻ്ററുകൾ അപേക്ഷാ ഫീസിൽ ഇളവ് പ്രഖ്യാപിച്ചിട്ടുണ്ട്.വരും ദിവസങ്ങളിൽ അപേക്ഷകരുടെ എണ്ണം വർധിക്കുമെന്നാണ് പ്രതീക്ഷ. 

രാജ്യത്ത് നിയമവിരുദ്ധമായി താമസിക്കുന്നതിന്റെ ഫലമായ റെസിഡൻസി-വിസാ ലംഘനങ്ങൾ, സ്ഥാപന കാർഡുകൾ, ഐഡി കാർഡുകൾ, മാനവ വിഭവശേഷി മന്ത്രാലയം, എമിറേറ്റൈസേഷൻ എന്നിവയിലെ ലംഘനങ്ങൾ എന്നിവയുമായി ബന്ധപ്പെട്ട പിഴകളിൽ ഇളവ് ഉൾപ്പെടെ നിരവധി ആനുകൂല്യങ്ങൾ പൊതുമാപ്പ് കാലയളവ് വാഗ്ദാനം ചെയ്യുന്നു.

 എല്ലാ ദിവസവും 24 മണിക്കൂ റുമുള്ള 19 വ്യത്യസ്ത ചാനലുകൾ വാഗ്ദാനം ചെയ്യുന്ന സ്മാർട്ട് സേവനങ്ങൾ അപേക്ഷകർക്ക് ഉപയോഗപ്പെടുത്താം. കൂടുതൽ വിവരങ്ങൾക്ക് പ്ര ധാന കോൺടാക്റ്റ് സെന്ററുമായി (600 522222) ബന്ധപ്പെടാൻ ഐ.സി.പി നിർദേശിച്ചിട്ടുണ്ട്. ഇമെയിൽ, സോഷ്യൽ മീഡിയ, ചാറ്റ്ബോട്ട്, സ്മ‌ാർട്ട് ആപ്ലിക്കേ ഷൻ എന്നിവയുൾപ്പെടെയുള്ള മറ്റ് ചാനലുകൾക്ക് പുറമെയാ ണിത്. ഗുണഭോക്താക്കൾക്ക് സൗകര്യമൊരുക്കുന്നതിനും എപ്പോൾ വേണമെങ്കിലും സേവനങ്ങൾ ലഭ്യമാക്കുന്നതിനുമായി ബയോ മെട്രിക് വിരലടയാള സേവന കേന്ദ്രങ്ങളിലെ പ്രവർത്തന സമയം പൊതുമാപ്പ് കാലയളവിലുടനീളം പ്രവൃത്തി ദിവസങ്ങളിൽ രാത്രി 8 മണി വരെയായിരിക്കും.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക