പാരമ്പര്യത്തിന്റെ ചരിത്രപ്പെരുമയുള്ള പൊന്നാനിയുടെ സ്വ​പ്ന പ​ദ്ധ​തി​യാ​യ അ​ന്താ​രാ​ഷ്ട്ര ക​ൺ​വെ​ൻ​ഷ​ൻ സെ​ന്റ​ർ ഒരു ചുവടുകൂടി മുന്നിലോട്ട്. പദ്ധതിക്ക് നേതൃത്വം നൽകുന്ന പൊന്നാനി നഗരസഭ വി​ശ​ദ​പ​ദ്ധ​തി​രേ​ഖ അ​വ​ത​ര​ണം നടത്തി. ആകെ 100 കോടി രൂപ ചെലവ് പ്രതീക്ഷിക്കുന്ന പദ്ധതിയ്ക്ക് 30 കോടി രൂപയാണ് പ്രാഥമിക ചെലവ് പ്രതീക്ഷിക്കുന്നത്. സഞ്ചാരികളുടെ ഇഷ്ട ഇടവും പൊന്നാനിയുടെ ഏറ്റവും സൗന്ദര്യവുമുള്ള ഭാഗമായ കർമ്മ റോഡിന്റെ ഭാഗത്താണ് കൺവെൻഷൻ സെന്റർ ഉയരുക.

ഭാരതപുഴയോട് ചേർന്നുള്ള കർമ്മ റോഡിൽ ഒരുങ്ങുന്ന അ​ന്താ​രാ​ഷ്ട്ര ക​ൺ​വെ​ൻ​ഷ​ൻ സെ​ന്റ​റിന് വിവിധ പ്രത്യേകതകൾ ഉണ്ട്. ഭൂമി നികത്താതെ തൂ​ണു​ക​ളി​ൽ മാ​ത്ര​മാ​യി പ​രി​സ്ഥി​തി സൗ​ഹൃ​ദ​മാ​യാ​ണ് കൺവെൻഷൻ സെന്റർ തലയുയർത്തി നിലനിൽക്കുക. 2800 പേ​ർ​ക്കി​രി​ക്കാ​വു​ന്ന ഓ​ഡി​റ്റോ​റി​യം, നാ​ല് മി​നി ഹാ​ളു​ക​ൾ, 20000 ച​തു​ര​ശ്ര അ​ടി​യി​ൽ കൊ​മേ​ഴ്സ്യ​ൽ ഏ​രി​യ, 56 മു​റി​ക​ളു​ള്ള ഹോ​ട്ട​ൽ, മ​ൾ​ട്ടി​പ്ല​ക്സ് തി​യ​റ്റ​ർ, എ​ക്സി​ബി​ഷ​ൻ സെ​ന്റ​ർ, സ്വി​മ്മി​ങ് പൂ​ൾ എന്നിവയെല്ലാം കൺവെൻഷൻ സെന്ററിന്റെ പ്രത്യേകത.

എ​ർ​ത്ത് സ്കേ​പ്പ് എ​ന്ന സ്വ​കാ​ര്യ ക​മ്പ​നി​യാ​ണ് ഡി.​പി.​ആ​ർ ത​യാ​റാ​ക്കി​യ​ത്. ന​ഗ​ര​സ​ഭ​ക്ക് ല​ഭ്യ​മാ​യ 15 കോ​ടി രൂ​പ​യു​ടെ അ​ർ​ബ​ൺ ഇ​ൻ​ഫ്രാ​സ്ട്ര​ക്ച്ച​ർ ഫ​ണ്ടും ന​ഗ​ര​സ​ഭ സ​മാ​ഹ​രി​ക്കു​ന്ന 15 കോ​ടി​യും ഉ​ൾ​പ്പെ​ടു​ത്തി പ്രാ​ഥ​മി​ക ചെ​ലവിലേക്ക് ആവശ്യമായ 30 കോ​ടി രൂ​പ​ കണ്ടെത്തും. ബാ​ക്കി തു​ക സ്വ​കാ​ര്യ നി​ക്ഷേ​പ​മാ​യാ​ണ് സ്വീ​ക​രി​ക്കു​ക. ഇ​തി​നു​ള്ള ന​ട​പ​ടി​ ആ​രം​ഭി​ച്ചു ക​ഴി​ഞ്ഞു.