HOME
DETAILS
MAL
ടി20 ലോകകപ്പ് അടുത്ത വര്ഷം
ADVERTISEMENT
backup
July 21 2020 | 04:07 AM
ദുബൈ: ഈ വര്ഷം നടക്കേണ്ടിയിരുന്ന പുരുഷ ടി20 ലോകകപ്പ് അടുത്ത വര്ഷത്തേക്ക് നീട്ടി. ഇന്നലെ ചേര്ന്ന ഐ.സി.സി ബോര്ഡ് മീറ്റിങ്ങിലായിരുന്നു തീരുമാനം. നേരത്തെ ഈ വര്ഷം ഒക്ടോബര്- സെപ്റ്റംബര് മാസത്തില് ആസ്ത്രേലിയയിലായിരുന്നു ലോകകപ്പ് നടത്താന് തീരുമാനിച്ചിരുന്നത്. എന്നാല് കൊവിഡ് മഹാമാരിയെ തുടര്ന്ന് ലോകകപ്പ് നീട്ടിവയ്ക്കുന്നതില് അന്തിമ തീരുമാനം എടുക്കാന് കഴിഞ്ഞില്ല. ഇന്നലെ നടന്ന അവസാന ചര്ച്ചയിലാണ് ലോകകപ്പ് അടുത്ത വര്ഷത്തേക്ക് മാറ്റിവയ്ക്കാന് തീരുമാനമായത്.
കൂടാതെ, ഈ വര്ഷം ലോകകപ്പ് നടത്തുന്നതില് വിമുഖത കാണിച്ച് ക്രിക്കറ്റ് ആസ്ത്രേലിയയും രംഗത്തെത്തിയിരുന്നു. കൂടാതെ, 2022ലെ ടി20 ലോകകപ്പിന്റെയും 2023ലെ ഏകദിന ലോകകപ്പിന്റെയും തീയതിയും ഐ.സി.സി പുറത്ത് വിട്ടു.
അടുത്ത വര്ഷം ഒക്ടോബര്- നവംബര് മാസത്തിലാണ് മത്സരം നടക്കുക. നവംബര് 14നാണ് ഫൈനല്. 2022ലെ ടി20 ലോകകപ്പ് ആ വര്ഷം ഒക്ടോബര്- നവംബര് മാസത്തിലും (ഫൈനല് 13ന്) 2023ലെ ഏകദിന ലോകകപ്പ് ആ വര്ഷം ഒക്ടബോര്- നവംബര് മാസത്തിലും (ഫൈനല് 26ന്) നടക്കും. അതേസമയം, ലോകകപ്പ് വേദിയുടെ കാര്യത്തില് തീരുമാനമെടുത്തിട്ടില്ല.
16 രാജ്യങ്ങളില് നിന്നുള്ള ടീമുകള് പങ്കെടുക്കുന്നതിനാല് ഈ വര്ഷം ടി20 ലോകകപ്പിന് ആതിഥ്യമരുളുന്നത് ഹൈ റിസ്കാണെന്ന് ക്രിക്കറ്റ് ആസ്ത്രേലിയ ചീഫ് എക്സിക്യൂട്ടീവ് കെവിന് റോബര്ട്ട്സനാണ് പറഞ്ഞത്.
അതേസമയം, 2021ല് ന്യൂസിലന്ഡില് നടക്കേണ്ടിയിരുന്ന വനിതാ ലോകകപ്പിന്റെ സാധ്യത ഐ.സി.സി പരിശോധിച്ചുവരികയാണ്.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."