പയ്യന്നൂര്‍ (കണ്ണൂര്‍): സിനിമയില്‍ അഭിനയിക്കാന്‍ അവസരം നല്‍കാമെന്നു വാഗ്ദാനം നല്‍കി 17 കാരിയെ ട്രെയിനിലും തൃശൂരിലെ ലോഡ്ജില്‍ വച്ചും പീഡിപ്പിച്ചുവെന്ന പരാതിയില്‍ യുവനടനെ പൊലിസ് അറസ്റ്റുചെയ്തു. ചെറുപുഴ വയക്കര മുത്തക്കാട്ടെ പി.എം അഖിലേഷ് മോന്‍ (19) എന്ന വൈശാഖിനെയാണു സി.ഐ എം.പി ആസാദും സംഘവും പിടികൂടിയത്.
ചെറുപുഴയിലെ 17 കാരിയാണു പരാതി നല്‍കിയത്. സിനിമയില്‍ അഭിനയിക്കുന്നതിനായി അഖിലേഷിനും മറ്റു കുട്ടികളോടും ഒപ്പം തൃശൂരിലേക്കു പോകവേ ട്രെയിനില്‍ വച്ചും പിന്നീട് തൃശൂരിലെ ലോഡ്ജില്‍ വച്ചും പീഡിപ്പിച്ചുവെന്നാണു പരാതി. കഴിഞ്ഞമാസമായിരുന്നു സംഭവമെന്നും പരാതിയില്‍ പറയുന്നു. ചന്ദ്രഗിരിയടക്കം നാലു സിനിമകളിലും ഹ്രസ്വചിത്രങ്ങളിലും യുവാവ് അഭിനയിച്ചതായി പൊലിസ് അറിയിച്ചു.