ടോറന്‍ഡോ: ചൈനയിലെ തങ്ങളുടെ അംബാസഡര്‍ ജോണ്‍ മക്കെല്ലത്തിനെ കനേഡിയന്‍ പ്രധാനമന്ത്രി ജസ്റ്റിന്‍ ട്രൂഡോ പുറത്താക്കി. ചൈനീസ് ടെലികോം കമ്പനിയായ ഹുവായി മേധാവി മെങ് വാന്‍സോങിന്റെ നാടുകടത്തലുമായി ബന്ധപ്പെട്ട് വിവാദം പരാമര്‍ശം നടത്തിയതിന് പിന്നാലെയാണ് മക്കെല്ലത്തിനെതിരേ നടപടിയെടുക്കുന്നത്. പുറത്താക്കാനുള്ള കാരണം ട്രൂഡോ വ്യക്തമാക്കിയിട്ടില്ല. നിലവില്‍ കാനഡയില്‍ കഴിയുന്ന മെങ്ങിനെ വിട്ടുതരണമെന്നുള്ള യു.എസിന്റെ ആവശ്യം തെറ്റാണെന്നാണ് മക്കെല്ലം ചൊവ്വാഴ്ച പറഞ്ഞത്. അടുത്ത ദിവസം തന്നെ പരാമര്‍ശത്തില്‍ ഖേദം പ്രകടിപ്പിച്ച് അദ്ദേഹം രംഗത്തെത്തിയിരുന്നു.