ന്യൂഡല്‍ഹി: പൗരത്വ നിയമ ഭേദഗതിക്കെതിരേ സമരം ശക്തമായ സാഹചര്യത്തില്‍ നിലവിലെ രാഷ്ട്രീയ സാഹചര്യങ്ങള്‍ ചര്‍ച്ച ചെയ്യാന്‍ കോണ്‍ഗ്രസ് അധ്യക്ഷ സോണിയാഗാന്ധി വിളിച്ചുചേര്‍ത്ത പ്രതിപക്ഷ പാര്‍ട്ടികളുടെ യോഗം ഇന്ന്. ഡല്‍ഹിയില്‍ നടക്കുന്ന യോഗത്തില്‍ തൃണമൂല്‍ കോണ്‍ഗ്രസ് നേതാവ് മമതാ ബാനര്‍ജിയും ബി.എസ്.പി നേതാവ് മായാവതിയും പങ്കെടുക്കില്ല.
കഴിഞ്ഞയാഴ്ച നടന്ന ട്രേഡ് യൂനിയന്‍ പണിമുടക്കില്‍ ഇടതുപക്ഷവും തൃണമൂല്‍ കോണ്‍ഗ്രസ് പ്രവര്‍ത്തകരും തമ്മില്‍ ഏറ്റുമുട്ടിയതിനെ തുടര്‍ന്നു യോഗത്തില്‍ പങ്കെടുക്കില്ലെന്ന് മമത വ്യക്തമാക്കിയിരുന്നു.
രാജസ്ഥാനിലെ കോട്ടയിലെ ആശുപത്രിയില്‍ നടന്ന ശിശുമരണങ്ങളുമായി ബന്ധപ്പെട്ട് കോണ്‍ഗ്രസിനോടുള്ള പ്രതിഷേധം മൂലമാണ് താന്‍ പങ്കെടുക്കാത്തതെന്നാണ് മായാവതിയുടെ നിലപാട്.