കേന്ദ്ര സർക്കാരിന് കീഴിലുള്ള മിനിരത്ന ഷെഡ്യൂൾ 'എ' കമ്പനിയായ കൊച്ചിൻ ഷിപ്പ്യാർഡ് ലിമിറ്റഡ് (സിഎസ്എൽ) ജോലി നേടാൻ അവസരം.  ക്രെയ്ൻ ഓപ്പറേറ്റർ, സ്റ്റാഫ് കാർ ഡ്രൈവർ തസ്തികകളിലേക്കാണ് പുതിയ നിയമനം നടക്കുന്നത്. ആകെ ഏഴ് ഒഴിവുകളാണുള്ളത്. വർക്ക്മെൻ വിഭാഗത്തിൽ മുൻ സൈനികർക്കായി സംവരണം ചെയ്തിട്ടുള്ള റിക്രൂട്ട്മെന്റാണിത്. മേയ് 6 വരെ ഓൺലൈനായി അപേക്ഷിക്കാം. 

തസ്തിക & ഒഴിവ്

കൊച്ചിൻ ഷിപ്പ് യാർഡ് ലിമിറ്റഡിൽ ക്രെയിൻ ഓപ്പറേറ്റർ, സ്റ്റാഫ് കാർ ഡ്രൈവർ റിക്രൂട്ട്മെന്റ്. ആകെ 07 ഒഴിവുകൾ. 
ക്രെയ്ൻ ഓപ്പറേറ്റർ: 06
സ്റ്റാഫ് കാർ ഡ്രൈവർ : 01

യോ​ഗ്യത

ക്രെയ്ൻ ഓപ്പറേറ്റർ (ഡീസൽ) 

എസ് എസ് എൽ സി വിജയിച്ചവരായിരിക്കണം. കൂടെ ഫിറ്റർ അല്ലെങ്കിൽ മെക്കാനിക് ട്രേഡിൽ ഐ ടി ഐ (നാഷണൽ ട്രേഡ് സർട്ടിഫിക്കറ്റ്) ഉണ്ടായിരിക്കണം. ‌

സ്റ്റാഫ് കാർ ഡ്രൈവർ 

എസ് എസ് എൽ സിയാണ് അടിസ്ഥാന യോഗ്യത. ലൈറ്റ് വെഹിക്കിൾ ഓടിക്കുന്നതിനുള്ള സാധുവായ ഡ്രൈവിംഗ് ലൈസൻസ് ഉണ്ടായിരിക്കണം. പൊതുമേഖലാ അല്ലെങ്കിൽ സ്വകാര്യ മേഖലാ സ്ഥാപനങ്ങളിൽ സ്റ്റാഫ് കാർ ഡ്രൈവറായി മൂന്ന് വർഷത്തെ പരിചയം അഭികാമ്യം. 

(ലോഗ് ബുക്ക് പരിപാലിക്കൽ,മോട്ടോർ മെക്കാനിസത്തെക്കുറിച്ചുള്ള അറിവ് (വാഹനത്തിലെ ചെറിയ തകരാറുകൾ നീക്കം ചെയ്യാൻ കഴിയണം), എന്നീ മികവുകൾ ഉണ്ടായിരിക്കണം. 

ALSO READ: എസ്.സി.ഇ.ആർ.ടിയിൽ ജോലിയൊഴിവ്; മെയ് 5 ന് മുൻപായി അപേക്ഷിക്കണം  

ശമ്പളം

ക്രെയ്ൻ ഓപ്പറേറ്റർ (ഡീസൽ) : തിരഞ്ഞെടുക്കപ്പെടുന്നവർക്ക് 22500 രൂപ മുതൽ 73750 രൂപ വരെ പ്രതിമാസ ശമ്പളം ലഭിക്കും. 

സ്റ്റാഫ് കാർ ഡ്രൈവർ : തിരഞ്ഞെടുക്കപ്പെടുന്നവർക്ക് 21300 രൂപ മുതൽ 69840 രൂപ വരെ ശമ്പളം ലഭിക്കും. 

അപേക്ഷ ഫീസ്

400 രൂപയാണ് അപേക്ഷ ഫീസ്. അപേക്ഷാ ഫീസ് റീഫണ്ട് ഉണ്ടായിരിക്കില്ല.

അപേക്ഷ

താൽപര്യമുള്ള ഉദ്യോ​ഗാർഥികൾ കൊച്ചിൻ ഷിപ്പ് യാർഡിന്റെ വെബ്സെെറ്റ് സന്ദർശിക്കുക. ശേഷം കരിയർ പേജിൽ നൽകിയിട്ടുള്ള Vacancy Notification - Selection of Crane Operator (Diesel) and Staff Car Driver for CSL എന്ന ലിങ്ക് നോക്കി വിശദാംശങ്ങൾ വായിക്കുക. ശേഷം ഓൺലൈൻ അപേക്ഷ നൽകാം. വിശദമായ വിജ്ഞാപനവും, മറ്റ് വിവരങ്ങളും ചുവടെ നൽകുന്നു. 

അപേക്ഷ: click 

വിജ്ഞാപനം: click  

cochin shipyard special operator driver recruitment 2025 work men ex service men vacancies apply before may 06

കൂടുതല്‍ തൊഴില്‍ വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

കൂടുതല്‍ Career വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക