ലോകത്തിലെ ഏറ്റവും തിരക്കേറിയതും ആധുനികവുമായ വിമാനത്താവളമായ ദുബൈ ഇന്റര്‍നാഷണല്‍ എയര്‍പോര്‍ട്ട് (DXB) യാത്രക്കാരുടെ അനുഭവം കൂടുതല്‍ മെച്ചപ്പെടുത്തുന്നതിനായി പുതിയ പാസ്‌പോര്‍ട്ട് നിയന്ത്രണ സംരംഭം അവതരിപ്പിക്കുന്നു. ടെര്‍മിനല്‍ മൂന്നിലെ ഫസ്റ്റ് ക്ലാസ്, ബിസിനസ് ക്ലാസ് ലോഞ്ചുകളില്‍ ആണ് ദുബൈ അതിന്റെ ഏറ്റവും പുതിയ പാസ്‌പോര്‍ട്ട് നിയന്ത്രണ സംരംഭം ആരംഭിച്ചത്. ഇതുപ്രകാരം ചില ഗാറ്റഗറിയില്‍പ്പെട്ട യാത്രക്കാര്‍ക്ക് ഇമിഗ്രേഷന്‍ നടപടിക്രമങ്ങളുടെ ഭാഗമായി ഐഡന്റിറ്റി വെരിഫിക്കേഷനായി നില്‍ക്കേണ്ട ആവശ്യമില്ല. നടന്നുകൊണ്ടിരിക്കുന്ന ദുബൈ എഐ വാരത്തോടനുബന്ധിച്ച് ജനറല്‍ ഡയറക്ടറേറ്റ് ഓഫ് റെസിഡന്‍സി ആന്‍ഡ് ഫോറിനേഴ്‌സ് അഫയേഴ്‌സ് (GDRFA) ആണ് ഇക്കാര്യം അറിയിച്ചത്.  

'അണ്‍ലിമിറ്റഡ് സ്മാര്‍ട്ട് ട്രാവല്‍' സേവനം ആണിതെന്നും യാത്രക്കാരന്റെ മുഖം തിരിച്ചറിയലിനും ഐഡന്റിറ്റി വെരിഫൈ ചെയ്യുന്നതിനും അത്യാധുനിക എഐ സാങ്കേതികവിദ്യകളെ സംയോജിപ്പിക്കുന്ന സംവിധാനമാണിത്. യാത്രാ നടപടിക്രമങ്ങളുടെ കാര്യക്ഷമതയും സുഗമവും വര്‍ദ്ധിപ്പിക്കുന്നതിനുള്ള ഡയറക്ടറേറ്റിന്റെ നീക്കങ്ങളുടെ ഭാഗമാണ് ഈ സേവനം വികസിപ്പിച്ചെടുത്തതെന്ന് GDRFA പ്രസ്താവനയില്‍ പറഞ്ഞു. സേവന ഘട്ടങ്ങള്‍ കുറയ്ക്കുകയും യാത്രാ ഗേറ്റുകളിലൂടെയുള്ള കടന്നുപോകല്‍ വേഗത്തിലാക്കുകയും ചെയ്യുന്നു. കൂടാതെ ഉപഭോക്താക്കളുടെയും ജീവനക്കാരുടെയും സംതൃപ്തി വര്‍ദ്ധിപ്പിക്കാനും ഇത് കാരണമാകുമെന്നും പ്രസ്താവനയില്‍ പറയുന്നു.

Some passengers at Dubai International Airport can now travel without stopping for identity verification as part of immigration procedures.