കോഴിക്കോട്‌: സമസ്ത കേരള ഇസ്‌ലാം മത വിദ്യാഭ്യാസ ബോർഡിനു കീഴിലുള്ള സമസ്ത ഇ-ലേണിങും സുപ്രഭാതം ഓൺലൈനും ചേർന്ന് റമളാനിൽ സംഘടിപ്പിച്ച വനിതകൾക്കുള്ള ഓൺലൈൻ ഖുർആൻ ലേണിംഗ്‌ കോഴ്സ്‌ വിജയികളെ തെരെഞ്ഞെടുത്തു. മാർച്ച്‌ 9 മുതൽ 23 വരെ നടന്ന പതിനഞ്ച്‌ ദിവസത്തെ കോഴ്സിൽ സൂറതുൽ ഫാതിഹ, സൂറതുളുഹാ മുതൽ സൂറതുന്നാസ്‌ വരെയുള്ള അധ്യായങ്ങളുടെ പാരായണവും അർത്ഥപഠനവുമാണ്‌ നടന്നത്‌. ഇരുപത്തിമൂവായിരത്തോളം പേർ ഭാഗമായ കോഴ്സിന്റെ ആദ്യഘട്ട ഓൺലൈൻ എഴുത്തുപരീക്ഷയിൽ 3,297 പേർ വിജയിച്ചു. 75 പേർ ഫുൾമാർക്ക്‌ നേടി രണ്ടാംഘട്ട പാരായണ പരീക്ഷയ്ക്ക്‌ യോഗ്യത നേടി.

രണ്ടാം ഘട്ടമായി നടന്ന പാരായണ പരീക്ഷയിലും കൂടി 99 മാർക്ക്‌ നേടിയ ഫൗസിയ സലാം കാളമ്പാടി ഒന്നാം സ്ഥാനം കരസ്ഥമാക്കി. 98 മാർക്ക്‌ നേടിയ ഫാതിമത്‌ റംസീന പുത്തനഴി രണ്ടാം സ്ഥാനവും 97 മാർക്ക്‌ നേടിയ നൂറ മുജീബ്‌ ചന്തേര മൂന്നാം സ്ഥാനവും കരസ്ഥമാക്കി. ഒന്നാം സ്ഥാന വിജയിക്ക്‌ അരപവൻ സ്വർണവും രണ്ടാം സ്ഥാന വിജയിക്ക്‌ കാൽപവൻ സ്വർണവും മുന്നാം സ്ഥാന വിജയിക്ക്‌ ഒരു ഗ്രാം സ്വർണവും സമ്മാനമായി ലഭിക്കും. സമസ്ത ബഹ്‌റൈൻ കമ്മിറ്റിയാണ്‌ സ്വർണ സമ്മാനങ്ങൾ സ്പോൺസർ ചെയ്തത്‌.

കോഴ്സ്‌ നടന്ന ദിവസേനയുള്ള ചോദ്യങ്ങളിൽ യഥാക്രമം 1. സാജിത (കുണ്ടുതൊടി ഹൗസ് ദേവതിയാൽ, തേഞ്ഞിപ്പലം, മലപ്പുറം) 2. സമീറ പി.പി (അരിയാണി ഹൗസ്‌, കാരകുറിശി, മണ്ണാർക്കാട്‌) 3. ഫസ്‌ല എ (മണ്ണിയിൽ ഹൗസ്‌, പാരക്കാപ്പാടം, പൂക്കോട്ടുംപാടം) 4. ആബിദ വി.പി (ഷാർജ) 5. സീനത്‌. സി (തേർമണ്ണിൽ ഹൗസ്‌, കമ്പളക്കാട്‌, വയനാട്‌) 6. മുനീറ (കൊന്നാകാട്ടിൽ വടക്കുമ്പുറം, വളാഞ്ചേരി) 7. ഉമ്മുതാഹിറ. കെ (കൊളവർകുന്നത്‌, വിളത്തൂർ, തിരുവേഗപ്പുറ) 8. താഹിറ ഹർശാദ്‌ (പള്ളിപ്പത്ത്‌ ഹൗസ്‌, കാവിൻമൂല, കണ്ണൂർ) 9. ഹാജറ (മുട്ടേക്കാട്ടിൽ ഹൗസ്‌, വിളത്തൂർ, തിരുവേഗപ്പുറ) 10. സൗദ (പറമ്പിൽപീടിക, വെള്ളിമല, തേറ്റമല) 11. ഹാജറ ഫസൽ റഹ്‌മാൻ (പുതിയോട്ടിൽ ഹൗസ്‌, കരുകുളങ്ങര, നരിക്കുനി) 12. ഫൗസിയ പി (പാണഞ്ചേരി, പതിനറിങ്കൽ, പന്താരങ്ങാടി) 13. ഫളീല ബീവി (ചീക്കോടി, ചേറോട്‌ ഈസ്റ്റ്‌, വടകര) 14. ഫാസില എൻ.സി (പള്ളിപ്പൊയിൽ, മൗവഞ്ചേരി, കണ്ണൂർ), 15. ഹഫ്‌സ. ടി (മരക്കംതൊടി ഹൗസ്‌, തൃക്കടീരി) എന്നിവർ ഗിഫ്റ്റ്‌ പ്രൈസിനും അർഹരായി.

സമ്മാനവിതരണം പിന്നീട്‌ നടക്കുമെന്ന് സമസ്ത ഇ-ലേണിംഗ്‌ സമിതി അറിയിച്ചു.

The winners of the Samastha E-Learning & Suprabhaatham Online Quran Learning Course have been announced, marking a significant achievement for participants. The course aims to provide accessible and quality Quranic education, empowering students to deepen their understanding and connection with the Holy Quran