ബെയ്ജിങ്: ലോകത്ത് ആദ്യമായി ചൈനയില്‍ 10 ജി ബ്രോഡ്ബാന്റ് ഇന്റര്‍നെറ്റ് പരീക്ഷിച്ചു. ഹെബെയ് പ്രവിശ്യയിലെ സുനാനിലായിരുന്നു പരീക്ഷണം. വാഹ്‌വേ മൊബൈല്‍ കമ്പനിയും ചൈന യുനികോനും സംയുക്തമായാണ് 10 ജി പരീക്ഷിച്ചത്. 9,834 എം.ബി.പി.എസ് ആണ് ഡൗണ്‍ലോഡ് വേഗത. 1,008 എം.ബി.പി.എസ് ആണ് അപ് ലോഡ് വേഗത. ലാറ്റന്‍സി സമയം മൂന്നു മില്ലി സെക്കന്‍ഡ് ആയി കുറയും.

50 ജി പാസീവ് ഒപ്റ്റിക്കല്‍ നെറ്റ്‌വര്‍ക്ക് (50G-PON ) സാങ്കേതിക വിദ്യയാണ് ഡാറ്റ കൈമാറ്റത്തിന് ഉപയോഗിക്കുന്നത്. ഹൈ ബാന്‍ഡ് വിഡ്ത് സാങ്കേതികവിദ്യയുടെ സഹായവും ഒപ്റ്റിക്കല്‍ ഫൈബര്‍ ഇന്‍ഫ്രാസ്‌ട്രെക്ചറും ഇതിനായി ഉപയോഗിക്കും.

നിലവില്‍ 20 ജി.ബിയുള്ള വിഡിയോ ഒരു ജി.ബി.പി.എസ് ഡൗണ്‍ലോഡ് ചെയ്യാന്‍ 10 മിനുട്ട് സമയം എടുക്കും. 10 ജി ഉപയോഗിച്ച് 20 സെക്കന്‍ഡ് കൊണ്ട് 20 ജി.ബി ഡൗണ്‍ലോഡ് ചെയ്യാം.

മിക്ക രാജ്യങ്ങളും ഇപ്പോഴും അവരുടെ 5ജി കവറേജ് വികസിപ്പിക്കുകയോ അടിസ്ഥാന ബ്രോഡ്ബാന്‍ഡ് അപ്‌ഗ്രേഡ് ചെയ്യുകയോ ചെയ്യുമ്പോള്‍ ആണ്, ചൈന പുതിയ മാനദണ്ഡങ്ങള്‍ സ്ഥാപിക്കുന്നത്.  ഇന്റര്‍നെറ്റിന്റെ ഭാവി എങ്ങനെയായിരിക്കുമെന്നതിന്റെ ഒരു നേര്‍ക്കാഴ്ചയാണ് 10ജി നെറ്റ്‌വര്‍ക്ക്.

China rolls out 10G network that can download movies in seconds