ക്രിക്കറ്റ് ചരിത്രത്തിലെ എക്കാലത്തെയും മികച്ച ഫീൽഡറെ തെരഞ്ഞെടുത്തിരിക്കുകയാണ് മുൻ ഇന്ത്യൻ താരം ആശിഷ് നെഹ്റ. ഇന്ത്യൻ സ്റ്റാർ ഓൾ റൗണ്ടർ രവീന്ദ്ര ജഡേജയെയാണ് നെഹ്റ ഏറ്റവും മികച്ച ഫീൽഡറായി തെരഞ്ഞെടുത്തത്. സ്റ്റാർ സ്പോർട്സിലൂടെ സംസാരിക്കുകയായിരുന്നു മുൻ ഇന്ത്യൻ താരം. 

''വർഷങ്ങളായി ഒരുപാട് മികച്ച ഫീൽഡർമാരെ ഞാൻ കണ്ടിട്ടുണ്ട്. ചിലർ ഔട്ട് ഫീൽഡിലും ചിലർ ഇന്നർ സർക്കിളിലെ ആണ് മികച്ച ഫീൽഡിങ് കാഴ്ചവെക്കുക. ൩൦ യാർഡ് സർക്കിളുകൾക്കുള്ളിൽ ഏറ്റവും മികച്ച ഫീൽഡറായി ജോണ്ടി റോഡ്സിനെയാണ് എല്ലാവരും പറയുന്നത്. എന്നാൽ ഓൾ റൗണ്ട് ഫീൽഡിങ്ങിനെക്കുറിച്ച് പറയുമ്പോൾ എബി ഡിവില്ലിയേഴ്‌സ് എന്റെ ഓർമ്മയിലേക്ക് വരും. ഇതിനു പുറമെ ആൻഡ്രൂ സൈമണ്ട്‌സിനെയും ജഡേജയെയും പോലുള്ള താരങ്ങളെയും ഞാൻ പറയും. എന്നാൽ ഇവർക്കെല്ലാം മുകളിലായി ഞാൻ ജഡേജയുടെ പേരാണ് പറയുക. ഇത് അദ്ദേഹത്തിന്റെ പ്രായം മാത്രം നോക്കിയല്ല പറയുന്നത്. വർഷങ്ങളായി അദ്ദേഹത്തിന്റെ കഴിവിൽ ഒരു മാറ്റവും വന്നിട്ടില്ല. ഇത് അദ്ദേഹത്തിന്റെ അവിശ്വസനീയമായ ഫിറ്റ്നസിനെയാണ് ആശ്രയിച്ചിരിക്കുന്നത്'' നെഹ്റ പറഞ്ഞു.    

വർഷങ്ങളായി ചെന്നൈ സൂപ്പർ കിങ്സിന്റെ വിശ്വസ്തനായ താരമാണ് ജഡേജ. ഈ സീസണിൽ ഏഴു മത്സരങ്ങളിൽ നിന്നുമായി നാല് വിക്കറ്റുകളാണ്‌ താരം സ്വന്തമാക്കിയിട്ടുള്ളത്. ബാറ്റിങ്ങിലും ബൗളിങ്ങിലും ഈ സീസണിൽ വലിയ സ്വാധീനം ചെലുത്താൻ ജഡേജക്ക് സാധിച്ചിട്ടില്ല. വരാനിരിക്കുന്ന മത്സരങ്ങളിൽ ചെന്നൈക്കായി മികച്ച പ്രകടനങ്ങൾ നടത്തി ജഡേജ തിരിച്ചുവരുമെന്നു തന്നെയാണ് ആരാധകർ പ്രതീക്ഷിക്കുന്നത്. 

നിലവിൽ ഏഴു മത്സരങ്ങളിൽ നിന്നും രണ്ട് ജയവും അഞ്ചു തോൽവിയുമായി പോയിന്റ് പട്ടികയിൽ അവസാന സ്ഥാനത്താണ് ചെന്നൈ. വരും മത്സരങ്ങളിൽ മികച്ച പ്രകടനങ്ങൾ നടത്തിയാൽ മാത്രമേ സിഎസ്കെക്ക് പ്ലേ ഓഫ് സാധ്യതകൾ നിലനിർത്താൻ സാധിക്കൂ. ഇന്ന് മുംബൈ ഇന്ത്യൻസിനെതിരെയാണ് ചെന്നൈയുടെ അടുത്ത മത്സരം. മുംബൈയുടെ ഹോം ഗ്രൗണ്ടായ വാംഖഡെ സ്റ്റേഡിയത്തിലാണ് മത്സരം നടക്കുക. 

Former Indian player Ashish Nehra has been named the best fielder of all time in the history of cricket