കഴിഞ്ഞ ഒരഴ്ചക്കിടെ രാജ്യത്തെ റെസിഡൻസി, തൊഴിൽ നിയമങ്ങൾ ലംഘിച്ചതിന്റെ പേരിൽ 18407 പേരെ അറസ്റ്റ് ചെയ്തതായി സഊദി അധികൃതർ അറിയിച്ചു. 2025 മാർച്ച് 27 മുതൽ 2025 ഏപ്രിൽ 2 വരെ രാജ്യത്ത് നടത്തിയ പരിശോധനകളിലാണ് നിയമലംഘകർ പിടിയിലായത്. പിടിയിലായവരിൽ റെസിഡൻസി നിയമങ്ങൾ ലംഘിച്ചവരും, അനധികൃത തൊഴിലാളികളും, കുടിയേറ്റക്കാരും, രാജ്യത്തിന്റെ അതിർത്തി സംരക്ഷണ നിയമങ്ങൾ ലംഘിച്ചവരും ഉൾപ്പെടുന്നു.

സൗദി ആഭ്യന്തര മന്ത്രാലയം ശനിയാഴ്ചയാണ് (2025 ഏപ്രിൽ 5) ഇതുമായി ബന്ധപ്പെട്ട അറിയിപ്പ് പുറത്തിറക്കിയത്. 12995 റെസിഡൻസി നിയമ ലംഘകരും, 1900 തൊഴിൽ നിയമ ലംഘകരും, 3512 അതിർത്തി സുരക്ഷ ലംഘകരും അറസ്റ്റിലായവരിൽ ഉൾപ്പെടുന്നു. 

റെസിഡൻസി നിയമങ്ങൾ ലംഘിച്ച് രാജ്യത്ത് തുടരുന്നവരെക്കുറിച്ചുള്ള വിവരങ്ങൾ നൽകണമെന്ന് നേരത്തെ സഊദി ആഭ്യന്തര മന്ത്രാലയം രാജ്യത്തെ പൗരന്മാർക്കും, പ്രവാസികൾക്കും നിർദേശം നൽകിയിരുന്നു. ഇത്തരം നിയമലംഘകരെ കണ്ടെത്തുന്നതിനായി ആഭ്യന്തര മന്ത്രാലയം രാജ്യത്ത് വിപുലമായ പരിശോധനകൾ നടത്തിവരികയാണ്. ഇത്തരം നിയമലംഘകരെ കുറിച്ചുള്ള വിവരങ്ങൾ പൊതുജനങ്ങൾക്ക് അധികൃതരെ അറിയിക്കാം. മക്ക, റിയാദ് എന്നിവിടങ്ങളിലുള്ളവർക്ക് 911 എന്ന നമ്പറിൽ വിളിച്ചും, സഊദിയുടെ മറ്റു മേഖലകളിലുള്ളവർക്ക് 999 എന്ന നമ്പറിൽ വിളിച്ചും നിയമലംഘനങ്ങൾ റിപ്പോർട്ട് ചെയ്യാം. 

Saudi authorities have arrested 18,407 individuals in just one week for violating residency, labor, and border security laws. The arrests were made ahead of the Hajj 2025 season, with the majority being Ethiopian and Yemeni nationals. Those found guilty could face up to 15 years in jail, fines of SR1 million, and seizure of their vehicles and property.