കോഴിക്കോട്: പബ്ലിക് സർവിസ് കമ്മിഷന്റെ ഓഫിസ് മാന്വലും റിക്രൂട്ട്‌മെന്റ്  മാന്വലും രഹസ്യരേഖയല്ലെന്നും ആവശ്യപ്പെടുന്നവർക്ക് സാക്ഷ്യപ്പെടുത്തിയ പകർപ്പ് നൽകണമെന്നും സംസ്ഥാന വിവരാവകാശ കമ്മിഷൻ.  പി.എസ്.സിയുടെ പ്രവർത്തനത്തിലെ രഹസ്യസ്വഭാവത്തെ ബാധിക്കുമെന്നതിനാൽ അവ നൽകാൻ കഴിയില്ലെന്ന അധികൃതരുടെ വിശദീകരണം തള്ളിയാണ് സംസ്ഥാന വിവരാവകാശ കമ്മിഷണർ ഡോ. എ.അബ്ദുൽ ഹക്കീം ഉത്തരവിറക്കിയത്. ചോദ്യപേപ്പർ സൂക്ഷിക്കുന്ന വിധം, ഉത്തരക്കടലാസുകൾ കൈകാര്യം ചെയ്യുന്ന രൂപം തുടങ്ങി സ്വാഭാവികമായി സംരക്ഷിക്കേണ്ട രഹസ്യവിവരങ്ങൾ ഒഴികെയുള്ളവയെല്ലാം പൗരന്മാർക്ക് അറിയാൻ അവകാശമുണ്ടെന്നും അത് നിഷേധിക്കരുതെന്നും കമ്മിഷണർ നിർദേശിച്ചു. 

പി.എസ്.സിയുടെ പ്രവർത്തനങ്ങൾ സുതാര്യമായിരുന്നാൽ മാത്രം പോര, അത് ജനങ്ങളെ ബോധ്യപ്പെടുത്തുകയും വേണം. കോഴിക്കോട് പയ്യോളി നമ്പൂരി മീത്തൽ എൻ.എം ഷനോജ് ജില്ലാ ഓഫിസിൽ നൽകിയ ഹരജി തിരുവനന്തപുരത്തെ ആസ്ഥാനത്തേക്ക് അയച്ചിരുന്നു. തുടർന്ന് വിവരാവകാശ കമ്മിഷന് നൽകിയ അപ്പീൽ അനുവദിച്ചാണ് പി.എസ്.സി ആസ്ഥാന കാര്യാലത്തിന് നിർദേശം നൽകിയത്. ഇതുപ്രകാരം അതീവ രഹസ്യസ്വഭാവമുള്ള വിവരങ്ങൾ ഇന്ത്യൻ വിവരാവകാശ നിയമം വകുപ്പ് 10,10(2)എ,ബി എന്നിവയുടെ അനുമതിക്കനുസരിച്ച് തരംതിരിച്ച ശേഷം നൽകണം. നൽകാത്ത വിവരങ്ങൾ ഏതൊക്കെ മേഖലയെ സംബന്ധിച്ചുള്ളതാണെന്നും കക്ഷിയെ അറിയിക്കണം. ഉത്തരവ് നടപ്പാക്കി നടപടി റിപ്പോർട്ട് പി.എസ്.സി വിവരാവകാശ കമ്മിഷന് സമർപ്പിച്ചു.

The Information Commission emphasizes that transparency alone is insufficient, and it's crucial to educate the public about their rights, citing the example of the PSC office manual, which should be made accessible, not treated as confidential.