റാവൽപിണ്ടി: ഐസിസി ചാമ്പ്യൻസ് ട്രോഫിയിൽ ഇന്ന് നടക്കുന്ന മത്സരത്തിൽ ഓസ്ട്രേലിയ സൗത്ത് ആഫ്രിക്കയെയാണ് നേരിടുന്നത്. ടൂർണമെന്റിലെ ആദ്യ മത്സരത്തിൽ തകർപ്പൻ വിജയം സ്വന്തമാക്കിയ ഇരു ടീമുകളും വിജയം ആവർത്തിക്കാൻ തന്നെയായിരിക്കും റാവൽപിണ്ടി സ്റ്റേഡിയത്തിൽ ലക്ഷ്യം വെക്കുക. ഇംഗ്ലണ്ടിനെതിരെ അഞ്ചു വിക്കറ്റിന്റെ വിജയമായിരുന്നു ഓസ്‌ട്രേലിയ സ്വന്തമാക്കിയത്. ചാമ്പ്യൻസ് ട്രോഫിയിലെ ഏറ്റവും ഉയർന്ന ചെയ്‌സിങ് കൂടിയായിരുന്നു ഇത്. അഫ്ഗാനിസ്ഥാനെ 107 റൺസിനും കീഴടക്കിയാണ് സൗത്ത് ആഫ്രിക്ക എത്തുന്നത്. 

ഈ മത്സരത്തിൽ ഓസീസ് ഓൾ റൗണ്ടർ ഗ്ലെൻ മാക്സ്വെല്ലിനെ കാത്തിരിക്കുന്നത് ഒരു തകർപ്പൻ നേട്ടമാണ്. ഏകദിനത്തിൽ 4000 റൺസ് പൂർത്തിയാക്കാനുള്ള അവസരമാണ് മാക്സ്വെല്ലിന്റെ മുന്നിലുള്ളത്. 147 ഏകദിന മത്സരങ്ങളിൽ നിന്നും 3983 റൺസാണ് മാക്സ്വെൽ നേടിയിട്ടുള്ളത്. 17 റൺസ് കൂടി നേടിയാൽ മാക്സ്വെല്ലിനു ഈ നേട്ടം സ്വന്തമാക്കാം. ഏകദിനയത്തിൽ ഒരു ഡബിൾ സെഞ്ച്വറിയും നാല് സെഞ്ച്വറിയും 23 അർദ്ധ സെഞ്ച്വറികളും താരം സ്വന്തമാക്കിയിട്ടുണ്ട്. 

ഇംഗ്ലണ്ടിനെതിരെയുള്ള ആദ്യ മത്സരത്തിൽ 15 പന്തിൽ പുറത്താവാതെ 35 റൺസാണ് മാക്‌സ്‌വെൽ നേടിയത്. നാല് ഫോറുകളും ഒരു രണ്ട് സിക്സുകളുമാണ് താരം നേടിയത്. മത്സരത്തിൽ ജോഷ് ഇംഗിൽസിന്റെ സെഞ്ച്വറി കരുത്തിലാണ് ഓസ്ട്രേലിയ വിജയം സ്വന്തമാക്കിയത്. 86 പന്തിൽ നിന്നും പുറത്താവാതെ 120 റൺസ് നേടി കൊണ്ടായിരുന്നു താരം തിളങ്ങിയത്. 8 ഫോറുകളും 6 സിക്സുകളും അടങ്ങുന്നതായിരുന്നു താരത്തിന്റെ ഇന്നിംഗ്സ്.

മാത്യു ഷോർട്ട്, അലക്സ് ക്യാരി എന്നിവർ സെഞ്ച്വറി നേടി ഓസ്ട്രേലിയയുടെ വിജയത്തിൽ നിർണായകമായ പങ്കുവഹിച്ചു.  8 ഫോറുകൾ ഉൾപ്പെടെ 63 പന്തൽ 69 റൺസ് ആണ് ക്യാരി നേടിയത്. മാത്യു ഷോട്ട് 66 പന്തിൽ 63 റൺസും നേടി മികച്ച പ്രകടനം നടത്തി. മാർനസ് ലബുഷാനെ 45 പന്തിൽ 47 റൺസും നേടി. അഞ്ച് ഫോറുകളാണ് താരം നേടിയത്.