വയനാട്: വയനാട് മുണ്ടക്കൈയിലെ ദുരിതബാധിതരുടെ പുനരാധിവാസത്തിനായി കേന്ദ്രം ഉടൻതന്നെ ഫണ്ട് നൽകണമെന്ന് ആവശ്യവുമായി എൽഡിഎഫ് ഡൽഹിയിൽ സമരം തുടങ്ങി. രണ്ടു ദിവസത്തോളമാണ് സമരം നടക്കുക. വയനാട് ദുരിതബാധിതർ ഉൾപ്പെടെയുള്ള ആളുകളെ സമരം നടക്കുന്ന ജന്ദർമന്ദറിൽ എത്തിച്ചുകൊണ്ടാണ് എൽഡിഎഫ് സമരം നടത്തുന്നത്.

ഈ സമരത്തിന് പിന്തുണയുമായി വ്യത്യസ്ത സംസ്ഥാനങ്ങളിൽ നിന്നുള്ള എംപിമാരും പാർട്ടി നേതാക്കളും സമര സ്ഥലത്ത് എത്തിയിരുന്നു. കേന്ദ്രത്തിന്റെ അവഗണനക്കെതിരെ ഒരുമിച്ച് സമരം ചെയ്യണമെന്ന് ആത്മീയ എം പി യും രാജ്യ സഭാ കക്ഷി നേതാവുമായ സഞ്ജയ് സിങ് പറഞ്ഞു. 

ഇതേ വിഷയത്തിൽ വയനാട് കളക്ടറേറ്റ് മുന്നിലും സമരം നടക്കുന്നുണ്ട്. ജനകീയ ആക്ഷൻ കമ്മിറ്റിയുടെ നേതൃത്വത്തിൽ ആണ് ഈ വിഷയത്തിനെതിരെ നിരാഹാര സമരം വയനാട്ടിൽ നടക്കുന്നത്. രണ്ട് ടൗൺഷിപ്പുകൾ ഉടൻ പൂർത്തിയാക്കണം, പത്ത് സെന്റ് ഭൂമി അനുവദിക്കണം, തുടർ ചികിത്സ ഉറപ്പാക്കണം, കടങ്ങൾ എഴുതിത്തള്ളണം തുടങ്ങിയ ആവശ്യങ്ങൾ മുൻനിർത്തിയാണ് സമരം നടത്തുന്നത്. ദുരിതത്തിൽ ഇരകളാക്കപ്പെട്ട ആളുകളുടെ കൂട്ടായ്മ ഇന്നലെ കൂട്ടിൽകെട്ടിയും സമരം നടത്തിയിരുന്നു.വയനാട്ടിൽ ഉരുൾപൊട്ടൽ ഉണ്ടായി മാസങ്ങൾക്ക് ശേഷമാണ് ദുരിതബാധിതൻ ഇത്തരത്തിൽ ഒരു പ്രതിഷേധവുമായി രംഗത്തിറങ്ങിയിരിക്കുന്നത്.