ദുബൈ: എഡല്‍മാന്‍ ട്രസ്റ്റ് സര്‍വേ പ്രകാരം ആഗോളതലത്തില്‍ പൊതുജന വിശ്വസത്തില്‍ മൂന്നാം സ്ഥാനം നേടി യുഎഇ. യുഎഇ വൈസ് പ്രസിഡന്റും ദുബൈ ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് തന്റെ എക്‌സ് അക്കൗണ്ടിലൂടെയാണ് നേട്ടം പ്രഖ്യാപിച്ചത്. രാജ്യം കൈവരിച്ച നേട്ടത്തില്‍ അദ്ദേഹം അഭിമാനം പങ്കിട്ടു.

'അടുത്തിടെ എഡല്‍മാന്‍ ട്രസ്റ്റ് പുറത്തിറക്കിയ സര്‍വേ പ്രകാരം സര്‍ക്കാര്‍ പ്രകടനത്തിലുള്ള പൊതുജന വിശ്വാസത്തില്‍ യുഎഇ സര്‍ക്കാര്‍ മൂന്നാം സ്ഥാനത്താണ്. 50 വര്‍ഷത്തെ കൂട്ടായ പരിശ്രമത്തിലൂടെയും കഠിനാധ്വാനത്തിലൂടെയുമാണ് ഇത് സാധ്യമായത്.' അദ്ദേഹം എക്‌സില്‍ കുറിച്ചു.

وفقاً لتقرير إدلمان للثقة في الحكومات 2025 الذي صدر مؤخراً في نيويورك جاءت حكومة الإمارات في المركز الثالث عالمياً في ثقة الشعب بأداء الحكومة …

الثقة تم بناءها عبر خمسين عاماً من شرعية العمل والإنجاز … واليوم وبقيادة أخي الشيخ محمد بن زايد تتعزز الثقة.. وتترسخ المصداقية ..…

— HH Sheikh Mohammed (@HHShkMohd) February 19, 2025

28 രാജ്യങ്ങളിലായി 33,000ത്തിലധികം ആളുകള്‍ പങ്കെടുത്ത സര്‍വേയുടെ 25-ാം പതിപ്പാണിത്. ഏറ്റവും പുതിയ റിപ്പോര്‍ട്ട്, തെറ്റായ വിവരങ്ങള്‍, പണപ്പെരുപ്പം മൂലമുണ്ടാകുന്ന ജീവിതച്ചെലവ് വര്‍ധനവ് തുടങ്ങിയ ആശങ്കകള്‍ കാരണം പല രാജ്യങ്ങളും പൊതുജന വിശ്വാസത്തില്‍ ബുദ്ധിമുട്ടുന്നുണ്ടെങ്കിലും, സര്‍ക്കാരിലും ബിസിനസിലും ശക്തമായ ആത്മവിശ്വാസത്തോടെ യുഎഇ ഇപ്പോഴും സ്ഥിരതയുടെ പാതയില്‍ തുടരുന്നു എന്ന് വ്യക്തമായി. 2010ലെ എഡല്‍മാന്‍ ട്രസ്റ്റ് സര്‍വേയിലാണ് യുഎഇയെ ആദ്യമായി ഉള്‍പ്പെടുത്തിയത്. രാജ്യത്തിന്റെ നേതൃത്വത്തെയും സ്ഥാപനങ്ങളെയും വിശ്വസനീയമായി കണക്കാക്കുന്നവര്‍ അവരുടെ കഴിവും ധാര്‍മ്മിക ഭരണവും ചൂണ്ടിക്കാട്ടി കാണിക്കുന്നു.

UAE ranked third globally in public trust