കോഴിക്കോട്: വനിതാ സിവിൽ എക്സൈസ് ഓഫീസറെ അസഭ്യം പറഞ്ഞ് കയ്യേറ്റം ചെയ്ത പ്രതി അറസ്റ്റിലായി.കോഴിക്കോട് താമരശ്ശേരിയിൽ വനിതാ സിവിൽ എക്സൈസ് ഓഫീസർക്ക് നേരെയാണ് അതിക്രമം നടന്നത്.കേസിൽ ചമൽ പൂവൻമല സ്വദേശി രാജേഷിനെയാണ് താമരശ്ശേരി പൊലീസ് അറസ്റ്റു ചെയ്തത്.കോടതിയിൽ ഹാജരാക്കി റിമാൻഡ് ചെയ്തു. ജനുവരി ഒന്നിനായിരുന്നു കേസിന് ആസ്പദമായ അതിക്രമം ഉണ്ടായത്.

താമരശേരി ചമൽ അങ്ങാടിയിൽ ചാരായം വിറ്റവരെ പിടികൂടാൻ എക്സൈസ് സംഘം എത്തിയപ്പോഴായിരുന്നു അസഭ്യം പറയലും കയ്യേറ്റവും നടന്നത്.ഇത് കേസായതിനു പിന്നാലെ ഒളിവിൽ പോയിരുന്നു.ഇന്ന് രാവിലെ താമരശ്ശേരി സ്റ്റേഷനിലെത്തി പ്രതി കീഴടങ്ങുകയായിരുന്നു