അതിരപ്പിള്ളിയില്‍ കാടിനുള്ളില്‍ ദമ്പതിമാര്‍ക്ക് വെട്ടേറ്റു. ആനപ്പന്തം സ്വദേശി സത്യനും ഭാര്യ ഷീലയ്ക്കുമാണ് വെട്ടേറ്റത്. ഗുരുതരമായി പരിക്കേറ്റ സത്യന്‍ മരിച്ചു. സംഭവത്തില്‍ സത്യന്റെ ജേഷ്ഠനായ ചന്ദ്രമണിയെ പൊലിസ് അറസ്റ്റ് ചെയ്തു. ബുധനാഴ്ച്ച രാത്രി ഏഴ് മണിയോടെയാണ് സംഭവം.

കണ്ണന്‍കുഴി വടാപ്പാറയില്‍ വെച്ചാണ് സംഭവം. ചന്ദ്രമണി, സത്യന്‍, രാജാമണി എന്നിങ്ങനെ ഒരു കുടുംബത്തിലുള്ളവര്‍ ഒരുമിച്ച് വനവിഭവങ്ങള്‍ ശേഖരിക്കാന്‍ പോയതായിരുന്നു. ഇതിനിടെ സത്യനും ചന്ദ്രമണിയും തമ്മില്‍ മദ്യപിച്ചുണ്ടായ കുടുംബവഴക്കാണ് കൊലപാതകത്തില്‍ കലാശിച്ചത്.

ചന്ദ്രമണിയുടെ ഭാര്യ ലീലക്കും പരിക്കേറ്റിട്ടുണ്ട്. ഇവരെ ചാലക്കുടി താലൂക്ക് ആശുപത്രിയിലേക്ക് മാറ്റി. 

elder brother stabbed to death his younger brother in kerala