ഹൈദരാബാദ്: സയ്യിദ് മുഷ്താഖ് അലി ട്രോഫി ടി20 പോരാട്ടത്തില്‍ കേരളത്തിനു ജയം. മത്സരത്തിൽ കേരളം ഗോവയെ 11 റണ്‍സിനു പരാജയപ്പെടുത്തി. മഴ വില്ലനായ‌ മത്സരത്തില്‍ വിജെഡി നിയമം അനുസരിച്ച് കേരളത്തെ വിജയികളായി പ്രഖ്യാപിക്കുകയായിരുന്നു.

മഴയെ തുടര്‍ന്നു മത്സരം 13 ഓവറാക്കിയാണ് തുടങ്ങിയത്. ആദ്യം ബാറ്റ് ചെയ്ത കേരളം 13 ഓവറില്‍ 6 വിക്കറ്റ് നഷ്ടത്തില്‍ 143 റണ്‍സെടുത്തു. മറുപടി ബാറ്റിങ്ങിൽ ഗോവ 7.5 ഓവറില്‍ 2 വിക്കറ്റ് നഷ്ടത്തില്‍ 69 റണ്‍സെടുത്തു നില്‍ക്കെ വീണ്ടും മഴ കളി തടസപ്പെടുത്തി. പിന്നീട് മത്സരം തുടരാന്‍ സാധിച്ചില്ല. ഇതോടെയാണ് കേരളത്തെ വിജയികളായി പ്രഖ്യാപിച്ചത്.

ഗോവയ്ക്കായി ഓപ്പണര്‍ ഇഷാന്‍ ഗാഡ്കര്‍ മികച്ച തുടക്കമാണ് നല്‍കിയത്. കളി നിര്‍ത്തുമ്പോള്‍ താരം 22 പന്തില്‍ 4 ഫോറും 3 സിക്‌സും അടക്കം 45 റണ്‍സുമായി പുറത്താകാതെ നില്‍ക്കുകയായിരുന്നു. ഒപ്പം സുയാഷ് പ്രഭുദേശായ് 9 റണ്‍സുമായി ക്രീസിലുണ്ടായിരുന്നു. അഞ്ച് വീതം റണ്‍സെടുത്ത അസാന്‍ തോട്ട, കശ്യപ് ബകലെ എന്നിവരുടെ വിക്കറ്റുകളാണ് ഗോവയ്ക്ക് നഷ്ടമായത്. ക്യാപ്റ്റന്‍ സഞ്ജു സാംസണ്‍ സല്‍മാന്‍ നിസാർ എന്നിവരുടെ മികച്ച് പ്രകടനമാണ് കേരളത്തിനു തുണയായത്. ഒപ്പറായി എത്തിയ സഞ്ജു 15 പന്തില്‍ 4 ഫോറും 2 സിക്‌സും സഹിതം 31 റണ്‍സെടുത്തു. സല്‍മാന്‍ നിസാർ 20 പന്തിൽ 3 ഫോറും 1 സിക്‌സുമടക്കം 34 റണ്‍സെടുത്ത് ടോപ് സ്‌കോററായി. മധ്യനിരയില്‍ അബ്ദുല്‍ ബാസിതിന്റെ ബാറ്റിങും കേരളത്തിനു തുണയായി. താരം 2 സിക്‌സും 1 ഫോറും സഹിതം 23 റണ്‍സെടുത്തു.

Kerala has emerged victorious in the Sayyid Mushthaq Ali Trophy, defeating Goa in the final match. This win marks a significant achievement for the Kerala cricket team.