ന്യൂഡല്‍ഹി: വടക്കന്‍ ഡല്‍ഹിയിലെ ജഹാംഗീര്‍പുരില്‍ രണ്ട് സംഘങ്ങള്‍ തമ്മിലുണ്ടായ വെടിവെപ്പില്‍ ഒരാള്‍ കൊല്ലപ്പെട്ടു, രണ്ട് പേര്‍ക്ക് പരിക്കേറ്റു. ഡല്‍ഹി സ്വദേശി ദീപക് ആണ് മരിച്ചത്. 

ദീപക്കും സഹോദരനും രണ്ട് സുഹൃത്തുക്കളും പാര്‍ക്കിന് സമീപം നില്‍ക്കുമ്പോള്‍ ദീപകിന്റെ സുഹൃത്തുക്കളായ നരേന്ദ്ര, സൂരജ് എന്നിവര്‍ സ്ഥലത്തെത്തി. തുടര്‍ന്ന്, വ്യക്തിപരമായ കാര്യങ്ങള്‍ പറഞ്ഞ് ഇരുകൂട്ടരും തമ്മില്‍ ഏറ്റുമുട്ടുകയായിരുന്നു.

ഏറ്റുമുട്ടലിനെ തുടര്‍ന്നുണ്ടായ വെടിവെപ്പില്‍ കഴുത്തിലും കാലിലും വെടിയേറ്റ ദീപക്കിനെ ഉടന്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല. നരേന്ദ്രയ്ക്ക് മുതുകിലും സൂരജിന് കാലിലുമാണ് വെടിയേറ്റത്.

10 റൗണ്ട് വെടിയുതിര്‍ത്തതായാണ് പൊലിസ് പറയുന്നത്. സംഭവത്തില്‍ നരേന്ദ്ര, സൂരജ് എന്നിവരെ അറസ്റ്റ് ചെയ്തു. അതേസമയം ഒളിവിലുള്ള കൂടുതല്‍ പ്രതികള്‍ക്കായി തിരച്ചില്‍ നടത്തുകയാണെന്നും പൊലിസ് വ്യക്തമാക്കി.

A violent clash between groups in Delhi leaves one person dead and two others injured, sparking concerns over law and order in the national capital. Police investigate the circumstances surrounding the deadly encounter.