HOME
DETAILS
MAL
എഡിജിപിക്കെതിരായ പരാതി: വിജിലന്സ് അന്വേഷണത്തിന് പ്രത്യേക സംഘം
September 20 2024 | 13:09 PM
തിരുവനന്തപുരം: എഡിജിപി എംആര് അജിത് കുമാറിനെതിരായ പരാതിയില് വിജിലന്സ് അന്വേഷണത്തിന് പ്രത്യേക സംഘത്തെ രൂപീകരിച്ചു. എസ് പി ജോണിക്കുട്ടിയാണ് അന്വേഷണ ഉദ്യോഗസ്ഥന്. വിജിലന്സ് മേധാവി യോഗേഷ് ഗുപ്ത അന്വേഷണത്തിന് മേല്നോട്ടം വഹിക്കും. പി.വി അന്വര് എംഎല്എ നല്കിയ പരാതിയിലെ അഞ്ചു ആരോപണങ്ങളാണ് അന്വേഷണപരിധിയില് പ്രധാനമായും വരുന്നത്. ഇത് മലപ്പുറം, തിരുവനന്തപുരം അടക്കമുള്ള ജില്ലകളിലായി വ്യാപിച്ചു കിടക്കുന്നതാണ്.
എഡിജിപി അജിത് കുമാറിനെതിരെ കേസെടുക്കാതെ പ്രാഥമിക അന്വേഷണമാകും നടത്തുക. അന്വേഷണത്തിലെ കണ്ടെത്തല് ശുപാര്ശയായി റിപ്പോര്ട്ട് നല്കും. അനധികൃത സ്വത്തു സമ്പാദനം, തിരുവനന്തപുരം കവടിയാറിലെ ആഢംബര ഭവന നിര്മ്മാണം അടക്കമുള്ള വിഷയങ്ങള് ചൂണ്ടിക്കാട്ടിയാണ് പി വി അന്വര് എഡിജിപി അജിത് കുമാറിനെതിരെ രംഗത്തു വന്നിരുന്നത്.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."RELATED NEWS
ADVERTISEMENT