ഗുരുവായൂരമ്പല നടയില് ഇന്ന് റെക്കോഡ് കല്യാണമേളം; നടക്കുന്നത് 350ലേറെ വിവാഹങ്ങള്
തൃശൂര്: ഗുരുവായൂര് ക്ഷേത്രത്തില് ഇന്ന് റെക്കോഡ് കല്യാണ മേളം. 354 വിവാഹങ്ങളാണ് ഇന്ന് ഗുരുവായൂരില് നടക്കുക. അവധി ദിവസമായതിനാല് ഭക്തജനങ്ങളുടെ വലിയ തിരക്കും ക്ഷേത്രത്തിലുണ്ട്. ആവശ്യമായ എല്ലാ ഒരുക്കങ്ങളും പൂര്ത്തിയായതായി ദേവസ്വം അഡ്മിനിസ്ട്രേറ്റര് വിനയന് പറഞ്ഞു.
2017ല് നടന്ന 277 വിവാഹങ്ങളാണ് ഇതുവരെയുണ്ടായിരുന്ന റെക്കോര്ഡ്. ചിങ്ങമാസത്തിലെ അവസാനത്തെയും ഓണത്തിനു മുമ്പുള്ള ഞായറാഴചയായതിനാലാണ് ഇത്രയധികം വിവാഹങ്ങള് നടക്കുന്നതെന്നാണ് ക്ഷേത്രം അധികൃതരുടെ നിഗമനം. സാധാരണ രീതിയില് വിവാഹ ആവശ്യങ്ങള്ക്കായി 4 മണ്ഡപങ്ങളാണ് നിലവിലുള്ളത്. ഇന്നതെ പ്രത്യേക ബുക്കിങ് പരിഗണിച്ച് രണ്ട് മണ്ഡപങ്ങള് അധികമായി സജ്ജീകരിച്ചിട്ടുണ്ട്. ആറു മണ്ഡപങ്ങളിലും ഒരേ സമയം വിവാഹങ്ങള് നടക്കും.
ഒരു വിവാഹത്തിന് പത്തുമിനുട്ട് എന്ന നിലയിലാണ് നിലവിലെ സജ്ജീകരണം. ക്ഷേത്രത്തില് പ്രാര്ഥനയ്ക്കായി എത്തുന്ന ഭക്തര്ക്ക് ക്ഷേത്രത്തിനകത്തേക്ക് പ്രവേശിക്കുന്നതിനായി ക്യൂ നില്ക്കാനും പ്രത്യേക വരി ഒരുക്കിയിട്ടുണ്ട്. തിരക്ക് ഒഴിവാക്കുന്നതിന്റെ ഭാഗമായാണ് ഇത് ഏര്പ്പെടുത്തിയതെന്ന് അധികൃതര് പറഞ്ഞു. വിവാഹത്തിന് മുന്കൂര് ബുക്ക് ചെയ്തവര് മേല്പ്പത്തൂര് ഓഡിറ്റോറിയത്തിന് സമീപം തയാറാക്കിയിരിക്കുന്ന പന്തിലിലെത്തി ടോക്കണ് കൈപ്പറ്റണം. ശേഷം വിവാഹത്തിനുളള സമയമാകുമ്പോള് മണ്ഡപത്തിലേക്ക് എത്തണം.
Guruvayur Temple in Thrissur witnessed a record-breaking 354 weddings today, surpassing the previous record of 277 weddings set in 2017
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."